రవీంద్ర విద్యార్థులకు రంగోత్సవంలో రాష్ట్రస్థాయి బహుమతులు
1 min read
పల్లెవెలుగు వెబ్ కర్నూలు: స్థానిక అబ్బాస్ నగర్ లోని రవీంద్ర విద్యాసంస్థల్లో చదువుతున్న విద్యార్థులు 2024- 25 సంవత్సరానికి గాను నిర్వహించిన రంగోత్సవం పోటీలలో రాష్ట్రస్థాయి బహుమతులు దక్కించుకున్నారు. డిజిటల్ కొలాజ్ విభాగంలో ఎంకే ఆదిత్య అను విద్యార్థి రాష్ట్రస్థాయి ప్రథమ బహుమతి సాధించి జాతీయస్థాయి పోటీలకు ఎంపిక కావడం జరిగింది. రంగోలిలో అక్షరశ్రీ బృందం ద్వితీయ స్థానము సాధించింది . స్క్రిప్ట్ (రోల్ ప్లే) పోటీలో హఫీఫ బృందం ప్రోత్సాహక బహుమతి సాధించింది. ఈ సందర్భంగా పాఠశాలలో విద్యార్థులకు అభినందన సభ ఏర్పాటు చేయడం జరిగింది. ఈ అభినందన కార్యక్రమంలో రవీంద్ర విద్యా సంస్థల వ్యవస్థాపకులు శ్రీ జి .పుల్లయ్య పాల్గొని విద్యార్థులతో మాట్లాడుతూ ప్రతి విద్యార్థిలో తమకు తెలియని అనంతమైన శక్తి దాగి ఉందని దానికి మెరుగులు దిద్దుకొంటూ భవిష్యత్తు కు పునాదులు వేసుకోవాలన్నారు .నిరంతర పుస్తక పఠన ద్వారా మనం దేనినైనా సాధించవచ్చు అన్నారు.అనంతరం అకాడమిక్ అడ్వైజర్ డాక్టర్ మమతా మోహన్ మాట్లాడుతూ ప్రతి విద్యార్థి నిత్యము మనకు కనిపించే అంశాలపై తులనాత్మక అధ్యయనం చేస్తూ వాటిని మన జీవితానికి, మానవాళికి ఉపయుక్తంగా తీర్చిదిద్దుకోవాలన్నారు. సైన్స్ ను జీవితంలో భాగస్వామిగా మార్చుకోవాలన్నారు.ఈ కార్యక్రమంలో వైస్ చైర్మన్ జి. వంశీధర్ మరియు పాఠశాల సమన్వయకర్తలు సుధాకర్, శ్రీమతి హేమలత, శ్రీమతి స్వాతి, చంద్రశేఖర్ తదితరులు పాల్గొని రాష్ట్రస్థాయి బహుమతులు పొందిన విద్యార్థులకు తమ ఆశీస్సులు అందించారు.
About Author
