పీసీ జ్యువెలర్స్ లిమిటెడ్ 1:10 స్టాక్ స్ప్లిట్ విజయవంతంగా అమలు

పల్లెవెలుగు వెబ్ హైదరాబాద్ : భారతదేశంలోని ప్రముఖ ఆభరణాల రిటైల్ శ్రేణులలో ఒకటైన పీ.సీ. జ్యువెలర్స్ లిమిటెడ్ (బిఎస్ఇ: 534809, ఎన్ఎస్ఇ: పీసీ జ్యువెలర్స్) 1:10 నిష్పత్తిలో స్టాక్ స్ప్లిట్‌ను విజయవంతంగా అమలు చేసింది. కంపెనీ డిసెంబర్ 16, 2024న రికార్డు తేదీగా నిర్ణయించి, ఒక్క ఈక్విటీ షేర్‌ను 10 ఈక్విటీ షేర్లుగా విభజించినట్లు ప్రకటించింది.ఇటీవల, సంస్థ రూ. 292 ధర వద్ద 5.18 కోట్ల ఈక్విటీ షేర్లను ప్రైవేట్ ప్లేస్‌మెంట్ పద్ధతిలో కన్సార్టియం లెండర్లకు కేటాయించినట్లు ప్రకటించింది. ఈ కేటాయింపు సంస్థ బకాయిలను సగం వరకు తీర్చడానికి దోహదపడింది. స్టాక్ విభజన రికార్డు తేదీకి అనుగుణంగా షేర్ల ఫేస్ వాల్యూ రూ. 10 నుండి రూ. 1కి తగ్గించబడింది.ఆర్థిక ఫలితాలు (క్యూ2ఎఫ్ వై 25):ఆదాయం: రూ. 505 కోట్లు (1430% వృద్ధి).ఎబిటా: రూ. 129 కోట్లు.పన్నులకు ముందు లాభం (పిబిటి): రూ. 124 కోట్లు.ఆర్థిక ఫలితాలు (హెచ్1 ఎఫ్ వై25):ఆదాయం: రూ. 906 కోట్లు (797% వృద్ధి).ఎబిటా: రూ. 218 కోట్లు.పిబిటి: రూ. 207 కోట్లు.కంపెనీ తన బ్యాంక్ కన్సార్టియంతో స్నేహపూర్వకంగా సమస్యలను పరిష్కరించేందుకు చేసిన ప్రయత్నాలు ఫలించాయి. క్యూ2 ఎఫ్ వై 25లో అన్ని 14 బ్యాంకుల ఓటీఎస్ (ఆఫర్ ఫర్ సెటిల్మెంట్) ప్రతిపాదన ఆమోదించబడింది. సెప్టెంబర్ 30, 2024న సెటిల్మెంట్ ఒప్పందం సంతకం చేయబడింది. ప్రమోటర్ గ్రూప్ సబ్స్క్రిప్షన్ ద్వారా ఆర్థిక నిధులు సమీకరించడంలో కంపెనీ విజయవంతమైంది. ఈ సానుకూల పరిణామాల నేపథ్యంలో కంపెనీ వృద్ధి మరియు లాభదాయకత దిశగా పురోగమించడానికి విశ్వాసంతో ఉన్నట్లు తెలియజేసింది.2005లో ఢిల్లీలోని కరోల్ బాగ్‌లో మొదటి షోరూమ్ ప్రారంభించిన పీసీ. జ్యువెలర్స్, ఆభరణాల రంగంలో నూతన శైలి, సౌందర్యానికి కొత్త నిర్వచనాలను తీసుకొచ్చింది. ప్రస్తుతం 17 రాష్ట్రాలపైగా ఉన్న షోరూమ్‌లతో ఇది దేశంలోని వేగంగా పెరుగుతున్న ఆభరణాల రిటైల్ శ్రేణిగా ఎదిగింది.ప్రధాన ఆకర్షణలు:హాల్‌మార్క్ ఆభరణాలు, ధృవీకరించిన వజ్రాల నాణ్యత.ఆధునిక, క్లాసిక్ డిజైన్ల మిశ్రమం.ప్రధాన హై-స్ట్రీట్ లొకేషన్లలో ప్రాముఖ్యత కలిగిన షోరూమ్‌లు.ఆన్‌లైన్ మరియు ఫిజికల్ షోరూమ్‌లలో వినియోగదారుల అనుభవాన్ని మెరుగుపరచడం.ఆభరణాల శృంఖలలో నాణ్యత, విశ్వసనీయత, వినియోగదారుల ఆత్మీయతను పొందడంలో పీ.సీ. జ్యువెలర్స్ తమ ప్రత్యేకతను నిరూపించింది.

About Author

PvNews1

See author's posts