కర్నూల్ సివిల్ సప్లయస్ బఫర్ గోడౌన్ ఆకస్మిక తనిఖీ
1 min read
ఆకస్మిక తనిఖీ నిర్వహించిన రాష్ట్ర పౌర సరఫరాల శాఖ డైరెక్టర్ కొంకతి లక్ష్మీనారాయణ.
పల్లెవెలుగు వెబ్ కర్నూలు: కర్నూల్ పట్టణం రేడియో స్టేషన్ దగ్గర గల బఫర్ గోడౌన్ ను ఈరోజు రాష్ట్ర సివిల్ సప్లైస్ కార్పొరేషన్ డైరెక్టర్ కొంకతి లక్ష్మీనారాయణ ఆకస్మిక తనిఖీ నిర్వహించారు. తనిఖీ నందు గోడౌన్ ఇంచార్జ్ తో కలిసి రికార్డులు పరిశీలించి అక్కడ వున్న స్టాక్ ను తనీఖీ చేయడం జరిగింది. పేదలకు సంబంధించిన సరుకులు సకాలంలో పంపిణీ జరిగేలా చూడాలని ఏమైనా అవకతవకాలకు , అక్రమాలకు పాల్పడితే సహించేది లేదని తెల్పడం జరిగింది. గత వైసిపి ప్రభుత్వంలో ఈ శాఖలో అత్యంత అవినీతి జరిగిందని , నిత్యవసర సరుకులు పంపిణీలో చాలా అక్రమాలు జరిగాయని విమర్శించడం జరిగింది.ప్రజలకు మా కూటమి ప్రభుత్వం అత్యంత నాణ్యమైన బియ్యం , నిత్యావసర సరుకులు పంపిణీ చేస్తోందని అన్నారు. అత్యంత తక్కువ ధరలకే పేదలకు నిత్యవసర సరుకులు పంపిణీ చేస్తున్న ఘనత కూటమి ప్రభుత్వందే అని చెప్పడం జరిగింది. రాష్ట్ర ముఖ్యమంత్రి నారా చంద్రబాబు నాయుడు , ఉప ముఖ్యమంత్రి పవన్ కళ్యాణ్ , ఐటీ శాఖ మంత్రి నారా లోకేష్,పౌర సరఫరాల శాఖ మంత్రి నాదెండ్ల మనోహర్ ,పౌరసరఫరాల చైర్మన్ తోట సుధీర్ ల నేతృత్వంలో రాష్ట్ర పౌరసరఫరాల శాఖను బలోపేతం చేసేందుకు కృషి చేస్తున్నట్లు పేర్కొన్నారు.
About Author
