జాగ్రత్తలతో… టి2డి కంట్రోల్…
1 min read
వ్యాయామం తప్పనిసరి…
- సీనియర్ ఎండోక్రోనాలజిస్ట్ డా.భరత్
కర్నూలు, పల్లెవెలుగు:ఆహారపు అలవాట్లలో మార్పు… వ్యాయామం లేకపోవడం…తదితర కారణాలతో వచ్చే టైప్ 2 డయాబెటిస్ ( మధుమేహం) ను జాగ్రత్తలతో కొంత కంట్రోల్ చేయవచ్చన్నారు సీనియర్ ఎండోక్రోనాలజిస్ట్ డా.భరత్త్. ఆదివారం స్థానిక ఏ క్యాంపులోని కర్నూలు హార్ట్ ఫౌండేషన్ ప్రధాన కార్యదర్శి, కార్డియాలజిస్ట్ ప్రొఫెసర్ డా. చంద్రశేఖర్ నేతృత్వంలో మెడికల్ విద్యార్థులకు ‘ టైప్ 2 డయాబెటిస్ మిల్లిటస్’ పై సదస్సు నిర్వహించారు. కార్యక్రమానికి ముఖ్య అతిథిగా విచ్చేసిన డా. భరత్ టి2డి నియంత్రణకు తీసుకోవాల్సిన జాగ్రత్తలను వివరించారు. టి2డి ని డయాబెటిస్ మెల్లిటస్ యొక్క ఒక రూపం. దాహం పెరగడం… తరచూ మూత్ర విసర్జన, అలసట మరియు బరువు తగ్గడం , ఆకలి పెరగడం, పుండ్లు (గాయం) తగ్గకపపోవడం వంటి లక్షణాలను టి2డి కలిగి ఉంటుంది. సమయానికి ఆహారం, పండ్లు తీసుకోకపోవడం.. వ్యాయామం చేయకపోవడం… జన్యుపరంగానూ మధుమేహం–2 అధికమయ్యే అవకాశం ఉందని… దీనికి జాగ్రత్తలతో కంట్రోల్ చేయవచ్చని వెల్లడించారు.
టి2డి తో…. వచ్చే వ్యాధులు…
షుగర్ వ్యాధి ఉన్న వాళ్లలో వందకు 90శాతం మంది జనాభాకు టైప్ 2 మధుమేహం ఉంది. మిగిలిన 10 శాతం జనాభాకు టైప్ 1 కలిగి ఉన్నారు. టైప్ 2 కారణంగా హై బ్లడ్ షుగర్ వల్ల గుండెజబ్బులు, గుండె పోటు , డయాబెటిస్ రెటినోపతి వల్ల అంధత్వం, మూత్రపిండ వైఫల్యం కావచ్చు. అంతేకాక అవయవాలలో రక్త ప్రసరణ బలహీనంగా ఉంటుంది.
జాగ్రత్తలతో… టి2డి కంట్రోల్…
ఊబకాయం లేదా వ్యాయామం లేకపోవడంతో మధుమేహం–2 ఎక్కువ మందికి వస్తోంది. ఆహారపు ( పండ్లు, కూరగాయలు తీసుకోవడం) అలవాట్లలో మార్పు… చికిత్సలో వ్యాయామం.. రక్తంలో షుగర్ స్థాయిని ఎప్పటికప్పుడు తెలుసుకుంటే… నియంత్రించుకునే అవకాశం మెండుగా ఉంటుంది. షుగర్ వ్యాధిగ్రస్తులు తప్పనిసరిగా వ్యాయామం చేయాలి. సమయానికి మందులు వాడటం వల్ల టి2డి ని నియంత్రణలో ఉంచుకోవచ్చు. నిరంతరం షుగర్ వ్యాధి వైద్య నిపుణుల పర్యవేక్షణలో ఉంటే బాగుంటుందని సీనియర్ ఎండోక్రోనాలజిస్ట్ డా.భరత్ స్పష్టంగా వెల్లడించారు.
డా. భరత్ కు ఘన సన్మానం
కర్నూలు హార్ట్ ఫౌండేషన్ ఆధ్వర్యంలో నిర్వహించిన ‘టైప్ –2 డయాబెటిస్ మెల్లిటస్’కు ముఖ్య అతిథిగా విచ్చేసిన సీనియర్ ఎండోక్రోనాలజిస్ట్ డా. భరత్ను సీనియర్ కార్డియాలజిస్ట్, ప్రొఫెసర్ డా. చంద్రశేఖర్ ఘనంగా సన్మానించారు. ముందుగా శాలువా కప్పి, పూలమాలతో సత్కరించారు. కార్యక్రమంలో హార్ట్ ఫౌండేషన్ సభ్యులు చంద్రశేఖర్ కల్కూర, డా. భవాని తదితరులు పాల్గొన్నారు.
About Author
