‘గుండె’ పై.. కేర్ తీసుకోండి…
1 min read
వ్యాయామం, సమతుల్య ఆహారంతో ఆరోగ్యం పదిలం..
- బీపీ, షుగర్ ను కంట్రోల్ లో ఉంచుకోండి..
- ప్రొఫెసర్ ఆఫ్ కార్డియాలజీ డా.డి. రాజశేఖర్
కర్నూలు, పల్లెవెలుగు:నిత్య విద్యార్థులు మాత్రమే వైద్యరంగంలో రాణించగలరని, ఆధునిక టెక్నాలజీని ఉపయోగించి గుండె శస్ర్తచికిత్సలపై నిరంతరం అధ్యాయనం చేయాలని మెడికల్ విద్యార్థులకు సూచించారు శ్రీ వెంకటేశ్వర ఇన్సిస్టిట్యూట్ ఆఫ్ మెడికల్ సైన్స్, ప్రొఫెసర్ ఆఫ్ కార్డియాలజి డాక్టర్ డి. రాజశేఖర్. ప్రపంచ హృదయ దినోత్సవం పురస్కరించుకుని ఆదివారం నగరంలోని హార్ట్ ఫౌండేషన్ ఛాంబరులో ప్రభుత్వ మెడికల్ కళాశాల ప్రొఫెసర్ ఆఫ్ కార్డియాలజి డా. చంద్రశేఖర్ నేతృత్వంలో కార్డియాలజి విద్యార్థులకు, ప్రజలకు గుండె ను కాపాడుకోవల్సిన తీసుకోవల్సిన జాగ్రత్తలు, ఆహార నియమాలు తదితర అంశాలను డా. డి. రాజశేఖర్ వెల్లడించారు. వైద్య విద్యార్థులు గుండె పై నిరంతరం అధ్యాయనం చేయాలని సూచించిన డా. రాజశేఖర్…. ప్రజలు కూడా గుండెపై కేర్ తీసుకోవాలని స్పష్టం చేశారు. బైపాస్ సర్జరి, ఆంజియోగ్రాం, ఓపెన్ హార్ట్ సర్జరీ తదితర ఆపరేషన్లను ఆధునిక టెక్నాలజీతో త్వరగా విజయవంతంగా పూర్తి చేయవచ్చని, ఆ దిశగా కార్డియాలజీ విద్యార్థులు మెరుగు పడాలన్నారు. శరీర భాగాలలో గుండె పాత్ర కీలకమని, దాన్ని భద్రంగా ఉంచుకోడానికి ప్రతి రోజు వ్యాయామం, సమతుల్య పోషక ఆహారం తీసుకోవాలన్నారు. అంతేకాక బీపీ, షుగర్ ను కంట్రోల్ ఉంచుకోవాలని ప్రజలకు వివరించారు. అనంతరం కార్డియాలజి విద్యార్థులకు సర్టిఫికెట్లు అందజేశారు.
హార్ట్ ఫౌండేషన్ సేవలు.. ప్రశంసనీయం:
నగరంలోని ఏ క్యాంపులో 2002 లో నిర్మించిన కర్నూలు హార్ట్ ఫౌండేషన్ ఆధ్వర్యంలో వివిధ వ్యాధులకు సంబంధించిన వైద్య నిపుణులతో విద్యార్థులకు, ప్రజలకు అవగాహన సదస్సులు నిర్వహించడం అభినందనీయమని ప్రశంసించారు శ్రీ వెంకటేశ్వర ఇన్సిస్టిట్యూట్ ఆఫ్ మెడికల్ సైన్స్, ప్రొఫెసర్ ఆఫ్ కార్డియాలజి డాక్టర్ డి. రాజశేఖర్. అంతేకాక 2003 నుంచి దాదాపు 22 సంవత్సరాలుగా ప్రపంచ హృదయ దినోత్సవంను జరుపుకోవడం సంతోషించదగ్గ విషయమన్నారు. ఈ ఏడాది ప్రపంచ హృదయ దినోత్సవ కార్యక్రమానికి తనను ముఖ్య అతిథులుగా పిలువడం ఆనందంగా ఈ సందర్భంగా కర్నూలు హార్ట్ ఫౌండేషన్ గౌరవాధ్యక్షులు డా. భవాని ప్రసాద్, ప్రధాన కార్యదర్శి డా. చంద్రశేఖర్, కోశాధికారి చంద్రశేఖర్ కల్కూరకు కృతజ్ఞతలు తెలిపారు.
డా.డి. రాజశేఖర్ కు ఘన సన్మానం:
ప్రపంచ హృదయ దినోత్సవం సందర్భంగా హార్ట్ ఫౌండేషన్ ఆధ్వర్యంలో విద్యార్థులకు, ప్రజలకు అవగాహన కల్పించిన డా. డి. రాజశేఖర్ ను ఫౌండేషన్ సభ్యులు ఘనంగా సన్మానించారు.ముందుగా శాలువా కప్పి, పూలమాలతో సత్కరించారు.
About Author
