ఒక్క రోజులోనే మరమ్మతులు చేయించిన కమిషనర్
1 min read
పల్లెవెలుగు వెబ్ నందికొట్కూరు (మిడుతూరు): నంద్యాల జిల్లా నందికొట్కూరు పట్టణంలో గురువారం ఉదయం 8 గం.ల సమయంలో పట్టణంలో జరుగుతున్న శానిటేషన్ పనులను మున్సిపాలిటీ కమిషనర్ టి సుధాకర్ రెడ్డి పరిశీలించారు.మున్సిపల్ కమిషనర్ పట్టణంలో త్రాగునీటి సరఫరా ఏ విధంగా జరుగుతుంది.అదేవిధంగా శానిటేషన్ పనులను వివిధ కాలనీల్లో ఆయన తిరిగి పరిశీలించారు.నంద్యాల రోడ్డు బాల వెంకటరమణ గోడౌన్ ఎదురుగా ఉన్న బోర్ మరమ్మతులకు నోచుకోవడంతో ఆయన బోరును పరిశీలించి బోరును తీ యించి మరమ్మతులు చేయించి నిన్నటి సాయంత్రం లోపు బోరును వేయించి కాలనీ వాసులకు నీళ్లు వచ్చే విధంగా కృషి చేశారు మున్సిపల్ కమిషనర్.కర్నూలు రహదారిలో బైరెడ్డి నగర్ లో మరియు బైపాస్ రోడ్ రాజా వీధిలల్లో శానిటేషన్ పనులను పరిశీలించి కాలువలో చెత్త లేకుండా ఎప్పటికప్పుడు పట్టణాన్ని శుభ్రంగా ఉంచాలని మున్సిపల్ కమిషనర్ పారిశుధ్య కార్మికులకు సూచించారు.ప్రజలకు ఎటువంటి ఇబ్బందులు లేకుండా చూడాలని సంబంధిత అధికారులను ఆయన ఆదేశించారు.ఈ కార్యక్రమంలో రమణయ్య,ఎలక్ట్రిషన్ మరియు మున్సిపల్ సిబ్బంది పాల్గొన్నారు.
About Author
