సోమవరప్పాడు సచివాలయాన్ని సందర్శించిన జిల్లా కలెక్టర్ కె. వెట్రిసెల్వి
1 min read
ప్రజలకు మెరుగైన సేవలందించాలని సచివాలయ సిబ్బందిని ఆదేశించిన కలెక్టర్
వచ్చిన నగదు 24 గంటల్లో బ్యాంకుల్లో జమ చేయాలి
పల్లెవెలుగు వెబ్ ఏలూరు జిల్లా ప్రతినిధి : విధులను సమర్థవంతంగా నిర్వహిస్తూ ప్రజలకు మెరుగైన సేవలందించాలని జిల్లా కలెక్టర్ కె. వెట్రిసెల్వి గ్రామ సచివాలయ సిబ్బందిని ఆదేశించారు. దెందులూరు మండలం సోమవరప్పాడు గ్రామ సచివాలయాన్ని శనివారం జిల్లా కలెక్టర్ కె. వెట్రిసెల్వి ఆకస్మికంగా సందర్శించారు. ఈ సందర్భంగా కలెక్టర్ వెట్రిసెల్వి మాట్లాడుతూ సిబ్బంది వారికి నిర్దేశించిన విధులను సక్రమంగా నిర్వర్తించి ప్రజలకు మెరుగైన సేవలందించాలన్నారు. వివిధ రకాల సేవలద్వారా వచ్చిన నగదును 24 గంటలలోగా బ్యాంకులలో జమ చేయాలన్నారు. ప్రభుత్వ నగదు సచివాలయ సిబ్బంది వద్ద ఉండకూడదన్నారు, అందుకు విరుద్ధంగా ప్రవర్తించిన సిబ్బందిపై చర్యలు తీసుకోవడంజరుగుతుందన్నారు. కలెక్టర్ వెంట తహసీల్దార్ సుమతి, పంచాయతీ కార్యదర్శి ప్రభృతులు పాల్గొన్నారు.
About Author
