పల్లె పల్లె తిరుగుతాం.. సమస్యలు పరిష్కరిస్తాం..
1 min read
120 కోట్లు మంజూరు చేసిన ఘనత చంద్రబాబుదే:ఎమ్మెల్యే
పల్లెవెలుగు వెబ్ నందికొట్కూరు: మన రాష్ట్ర అభివృద్ధి చంద్రబాబు నాయుడు తోనే సాధ్యం అవుతుందని నందికొట్కూరు ఎమ్మెల్యే గిత్త జయసూర్య అన్నారు. మంగళవారం మధ్యాహ్నం అల్లూరు గ్రామం మాండ్ర శివానందరెడ్డి నివాసంలో ఆయన పాత్రికేయుల సమావేశం నిర్వహించారు.ఈ సందర్భంగా ఎమ్మెల్యే మాట్లాడుతూ రాబోయే రోజుల్లో రైతులకు అన్ని విధాలుగా ప్రభుత్వం ఆదుకుంటుందని రైతులకు సబ్సిడీ ద్వారా ప్రభుత్వం ఆదుకుంటుందని గత ప్రభుత్వ హయాంలో అధికారులు ప్రజలు బాధితులు అయ్యారని చంద్రబాబు అభివృద్ధిపై నమ్మకంతోనే రాష్ట్ర ప్రజలు 164 మంది ఎమ్మెల్యేలను గెలిపించారని అన్నారు. గత పది సంవత్సరాలపాటు మాండ్ర శివానందరెడ్డి కార్యకర్తలను కాపాడుకున్నారని ప్రతి గ్రామ గ్రామాన తిరుగుతాం ప్రజల సమస్యలు తెలుసుకుని వాటిని పరిష్కరిస్తామని సోమవారం నందికొట్కూరు మార్కెట్ యార్డును తనిఖీ చేశానని మార్కెట్ను బర్రెల సంతకు మాత్రమే వాడుకున్నారే తప్పా రైతులకు ఎలాంటి ఉపయోగం లేదన్నారు.ప్రజాధనాన్ని లూటీ చేశారని నందికొట్కూరు పట్టణానికి త్రాగునీటి అవసరాల కోసం అప్పటి ముఖ్యమంత్రి చంద్రబాబు అలగనూరు నుంచి రెండు టీఎంసీల రిజర్వాయర్ నుంచి నీళ్లను నందికొట్కూరు కు తీసుకురావడానికి 120 కోట్ల రూపాయల నిధులను చంద్రబాబు మంజూరు చేశారన్నారు.నందికొట్కూరు అభివృద్ధికి ముఖ్యమంత్రి చంద్రబాబు దృష్టికి తీసుకువెళ్లి అభివృద్ధి చేస్తామని ఎమ్మెల్యే గిత్త జయ సూర్య అన్నారు.ఈ కార్యక్రమంలో మాండ్ర సురేంద్ర నాథ్ రెడ్డి,మిడుతూరు మండల కన్వీనర్ కాత రమేష్ రెడ్డి, మాజీ ఎంపీపీ వీరం ప్రసాద్ రెడ్డి,జలీల్,పల్లె రఘునాథ్ రెడ్డి, వెంకటేశ్వర్లు యాదవ్ పాల్గొన్నారు.
About Author
