ఆంజనేయ స్వామికి మొక్కు తీర్చుకున్న టిడిపి యువ నాయకులు
1 min read
పల్లెవెలుగు వెబ్ చెన్నూరు: గడచిన సార్వత్రిక ఎన్నికల్లో కమలాపురం ఎమ్మెల్యేగా అఖండ మెజారిటీతో పుత్తా కృష్ణ చైతన్య రెడ్డి గెలిచిన సందర్భంగా చెన్నూరు పడమటి వీధిలో వెలసిన శ్రీ ఆంజనేయ స్వామి దేవాలయంలో తెలుగుదేశం పార్టీ యువ నాయకులు కల్లూరు ఓబుల్ రెడ్డి ఆధ్వర్యంలో, పండితులు, పూజారి గిరి స్వామి పూజలు నిర్వహించి వారి మొక్కులు తీర్చారు. ఈ సందర్భంగా శనివారం యువ నాయకులు ఓబుల్ రెడ్డి మాట్లాడుతూ తెలుగుదేశం పార్టీ అభ్యర్థి గా పోటీ చేసిన పుత్తా కృష్ణ చైతన్య రెడ్డి అఖండ మెజారిటీతో గెలవాలని ప్రచారంలో ఉన్నప్పుడు మొక్కుకోవడం జరిగిందని, అదేవిధంగా మా నాయకుడు కృష్ణ చైతన్య రెడ్డి అఖండ మెజార్టీతో గెలవడం జరిగిందన్నారు. అందుకోసం జనసేన నాయకులు అద్దంకి విశ్వనాథ్ వారి అనుచరుగనంతో మరియు మా యువకులతో కలిసి ఆంజనేయస్వామికి 101 కొబ్బరికాయలు కొట్టి మొక్కు తీర్చుకోవడం జరిగిందన్నారు. అలాగే మా నాయకుడు కృష్ణ చైతన్య రెడ్డి మునుముందు మరింత ఉన్నత పదవులు అలంకరించాలని ఆంజనేయ స్వామిని కోరుకోవడం జరిగింది. ఈ కార్యక్రమంలో మన్నే మోహన్ రెడ్డి, కొండపేట సుధాకర్ రెడ్డి, యువకులు ప్రవీణ్ కుమార్ రెడ్డి, హరి ఓబుల్ రెడ్డి, నీలి నాగేష్, సి శివకుమార్ రెడ్డి, సి శివారెడ్డి, మహాదేవరెడ్డి, కిషోర్ రెడ్డి, యు సంజీవ్, కార్తీక్ రెడ్డి యువకులు పాల్గొన్నారు.
About Author
