అవ్వా నన్ను గెలిపించండి..మీ సమస్యలు పరిష్కరిస్తా
1 min read
పల్లెవెలుగు వెబ్ మిడుతూరు: అవ్వా ఎన్నికల్లో నన్ను ఎమ్మెల్యేగా గెలిపించండి.. మీకు ఏ సమస్య వచ్చినా సరే నేను పరిష్కరించడానికి ముందుంటానని నందికొట్కూరు టిడిపి ఎమ్మెల్యే అభ్యర్థి గిత్త జయసూర్య అన్నారు.నంద్యాల జిల్లా మిడుతూరు మండల పరిధిలోని చెరుకుచెర్ల గ్రామంలో గ్రామ టిడిపి నాయకులు గుండం సర్వోత్తమ రెడ్డి,మహేశ్వర్ రెడ్డి ఆధ్వర్యంలో బుధవారం సాయంత్రం ఎన్నికల ప్రచారంలో భాగంగా ఇంటింటికి తిరుగుతూ ఎన్నికల ఓటు వేయాలని గిత్త జయసూర్య ఓటర్లను అభ్యర్థించారు.మన రాష్ట్రానికి ముఖ్యమంత్రిగా చంద్రబాబును చేస్తేనే గ్రామాల అభివృద్ధి చెందుతాయని టిడిపి ప్రకటించిన మేనిఫెస్టోలో ఉన్న ప్రతి పథకాన్ని ప్రతి ఒక్కరికి అందిస్తామని ఈ ప్రాంత సమస్యలు నాకు బాగా తెలుసని ఈ ప్రాంత అభివృద్ధికి నేను కృషి చేస్తానని మీ అమూల్యమైన ఓటును వచ్చే ఎన్నికల్లో నా గెలుపుకు పూలబాట వేయగలరని ఆయన ఓటర్లను కోరారు.ఈ కార్యక్రమంలో టిడిపి మండల కన్వీనర్ కాతా రమేష్ రెడ్డి,మాండ్ర సురేంద్రనాథ్ రెడ్డి, వంగాల శివరామిరెడ్డి,వంగాల రవికుమార్ రెడ్డి,గద్దల స్వాములు,భూషణం, వెంకటరత్నం,శేఖర్ వల్లి రఫీ,హతావ్ రామన్,పుల్లయ్య రమణ పాల్గొన్నారు.
About Author
