వైభవంగా శివ స్వామి పడిపూజ
1 min read
శివపార్వతుల చిత్రపటం వద్ద పూలతో అలంకరించిన స్వాములు
పల్లెవెలుగు, ఆదోని
ఆదోని పట్టణంలోని క్రాంతినగర్లో ఆదివారం మధ్యాహ్నం శివమాలదారుడు సురేష్ నివాసంలో శివస్వాములు భక్తిశ్రద్ధలతో పడిపూజ నిర్వహించారు. గురుస్వాములు నీలకంఠేశ్వర స్వామి, లింగోజి స్వామి నేతృత్వంలో కైలాసనాథుడి చిత్రపటం వద్ద పూలతో అలంకరించారు. ఈ సందర్భంగా గురుస్వాములు నీలకంఠేశ్వర స్వామి, లింగోజి స్వామి మాట్లాడుతూ భోళాశంకరుడిని భక్తితో పూజిస్తే .. కోరిన కోర్కెలు నెరవేరుతాయన్నారు. స్థానిక శివాలయంలో కానీ, శివమాల గతంలో ధరించిన వారితో కానీ , గురుస్వాములతో కానీ శివమాలను ధరించవచ్చు. మాఘమాసంలో మహాశివరాత్రికి 40 రోజులతో దీక్ష ముగుస్తుందని, శ్రీశైలక్షేత్రంలో వెలిసిన మల్లికార్జన స్వామిని దర్శనం అనంతరం.. మరుసటి రోజు ( 41వ రోజు ) త్రిఫల వృక్షం వద్ద మాలను విరమింపజేసుకోవాలి. నియమనిష్టలతో దేవుడిని పూజించిన మాలధారులు..
మాఘమాసంలో మహాశివరాత్రికి లేదా కార్తీక మాసంలోమాస శివరాత్రికి మండలి పూజ పూర్తయ్యేటట్లు చూసుకోవాలన్నారు. అనంతరం భక్తిపాటలు పాడి.. భజన చేశారు. అనంతరం సేవ ( అన్నదానం) చేశారు. కార్యక్రమంలో శివస్వాములు, భక్తులు పాల్గొన్నారు.
About Author
