ఉద్యోగ భద్రత కల్పించండి
1 min read
మాట్లాడుతున్న ఎన్డబ్ల్యూపీ జిల్లా అధ్యక్షురాలు హసీనాబేగం
– కోవిడ్–19 వారియర్స్ నిరసన
– మద్దతిచ్చిన ఎన్డబ్య్లూపీ జిల్లా అధ్యక్షురాలు హసీనాబేగం
పల్లెవెలుగు,కర్నూలు
ప్రపంచాన్ని వణికించిన కరోనా వైరస్ విజృంభిస్తున్న సమయంలో ప్రాణాలు ఫణంగా పెట్టి.. వైద్య సేవలు అందించామని, సేవలను గుర్తించి.. ఉద్యోగ భద్రత కల్పించాలని కోవిడ్–19 వారియర్స్, డాక్టర్స్ ఆల్ పారామెడికల్ టెక్నీషియన్స్ మరియు స్టాఫ్ వర్క్స్ రాష్ర్ట ప్రభుత్వాన్ని కోరారు. 24 రోజులుగా దీక్ష చేస్తున్న ఏపీ మెడికల్ కాంట్రాక్ట్ ఎంప్లాయిస్ యూనియన్ కర్నూల్ సభ్యులకు నేషనల్ ఉమెన్స్ పార్టీ జిల్లా అధ్యక్షురాలు హసీనాబేగం సంపూర్ణ మద్దతు ప్రకటించారు. చేస్తున్న ఏపీ మెడికల్ కాంట్రాక్ట్ ఎంప్లాయిస్ యూనియన్ ఆధ్వర్యంలో బుధవారం కలెక్టరేట్ వద్ద నిరసన చేపట్టారు. ఈ సందర్భంగా ఎన్డబ్ల్యూపీ జిల్లా అధ్యక్షురాలు హసీనాబేగం మాట్లాడుతూ కరోనా సమయంలో ప్రజలకు విశేష సేవలు అందించిన కోవిడ్–19 వారియర్స్ను ఉద్యోగం నుంచి తొలగించడం సరైన పద్ధతి కాదన్నారు. దేశానికి రక్షణగా నిలిచిన సైనికులు మాదిరిగానే… ప్రజలకు రక్షణగా నిలిచిన వారియర్స్ రావాల్సిన వేతనాలు ఇచ్చి.. మళ్లీ ఉద్యోగంలోకి తీసుకోవాలని ఆమె డిమాండ్ చేశారు. నిరసనలో ఉండగానే… కాంట్రాక్ట్ ఉద్యోగి జ్యోతి అక్కడే.. కుప్పకూలిపోయారు. వెంటనే ఆమెను ఓ షాపు వద్దకు తీసుకెళ్లి మనోధైర్యం కల్పించారు. కార్యక్రమంలో నేషనల్ వింగ్ ప్రెసిడెంట్ మేరీ, పిఆర్ఓ సురేఖ, కర్నూల్ యూత్ ప్రెసిడెంట్ ఇంతియాజ, మరియు కార్యాలయం వాలెంటరీలు సిమ్రాన్, అనిత పార్టీ కార్యకర్తలు పెద్ద సంఖ్యలో పాల్గొన్నారు.
About Author
