కానాలపల్లి అక్రమ అరెస్టు దారుణం..
1 min read![కాంగ్రెస్, లక్ష్మీ నరసింహ, ఎన్నికలు , ElECTIONS, GRAMA PANCHAYATHI](https://i0.wp.com/newsnedu.com/wp-content/uploads/2021/02/9web090221.jpeg?fit=1024%2C559&ssl=1)
కాంగ్రెస్, లక్ష్మీ నరసింహ, ఎన్నికలు , ElECTIONS, GRAMA PANCHAYATHI
– నంద్యాల కాంగ్రెస్ పార్లమెంట్ అధ్యక్షుడు జై లక్ష్మీ నరసింహనంద్యాల నియోజకవర్గంలోని గోస్పాడు మండలం కానాలపల్లిలో సర్పంచ్ గా పోటీ చేసిన కాంగ్రెస్ సర్పంచ్ అభ్యర్థి సురేంద్ర బట్టు తండ్రి ,
పార్టీ జిల్లా ప్రధాన కార్యదర్శి పుల్లయ్యను అక్రమంగా అరెస్టు చేసి పోలీస్ స్టేషన్కు తరలించడం దారుణమని నంద్యాల కాంగ్రెస్ పార్లమెంట్ అధ్యక్షుడు జై లక్ష్మీ నరసింహ ఆగ్రహం వ్యక్తం చేశారు. రాష్ర్టంలో వైసీపీ పాలనలో ఏకగ్రీవాలకు అంగీకరించకపోతే బెదిరింపులు, దాడులు, అక్రమ అరెస్టులు చేయడం అన్యాయమన్నారు. కానాలపల్లిలో అత్యధిక మెజార్టీతో గెలుస్తారనే భయంతోనే.. కౌంటింగ్ సమయంలో.. ఇలా అభ్యర్థి తండ్రిని అక్రమ అరెస్టు చేశారని ఆరోపించిన జై లక్ష్మీ నరసింహ.. ఆళ్లగడ్డ డీఎస్పీ, సీఐకు ఫిర్యాదు చేశామన్నారు. ఇందుకు స్పందించిన డీఎస్పీ … మూడు పార్టీల వారిని స్టేషన్కు పిలిపించారన్నారు. అయితే ఎటువంటి తప్పులు చేయకపోయినా తప్పుడు కేసులు పెట్టాలని చూస్తున్నారని, అలా చేస్తే.. చూస్తూ ఊరుకునేది లేదన్నారు.అక్రమ అరెస్టులతో ప్రజాస్వామ్యాన్ని ఖూనీ చేయడమే తప్పా మరొకటి కాదన్నారు. ఈ విషయమై రాష్ట్ర ఎన్నికల కమిషనర్ వెంటనే స్పందించి కానాల పంచాయతీ సర్పంచ్ ఎన్నికను తిరిగి నిర్వహించాలని ఈ సందర్భంగా నంద్యాల కాంగ్రెస్ పార్లమెంట్ అధ్యక్షుడు జై లక్ష్మీ నరసింహ కోరారు.