ప్రణాళికబద్ధంగా చదవండి..

– రోగిని దేవుడిగా భావించండి..
– గురువులను గౌరవించడం ప్రతి ఒక్కరి బాధ్యత
– ఎన్టీఆర్​ విశ్వవిద్యాలయం రిటైర్డు వైస్​ ఛాన్సలర్​ డా.పి. శ్యామ్​ ప్రసాద్​
పల్లెవెలుగు, కర్నూలు హాస్పిటల్​
వైద్యవృత్తిని.. రోగిని దైవంగా భావించాలని, అప్పుడే న్యాయం చేయగలమని ఎన్టీఆర్​ విశ్వవిద్యాలయం రిటైర్డు వైస్​ ఛాన్సలర్​ డా.పి. శ్యామ్​ ప్రసాద్​ అన్నారు. విద్యార్థి దశలో ప్రణాళికబద్ధంగా చదివి… ఉన్నత శిఖరాలను అధిరోహించాలని సూచించిన ఆయన… గురువులను గౌరవించాల్సిన బాధ్యత ప్రతిఒక్కరిపై ఉందన్నారు. శుక్రవారం కర్నూలు మెడికల్​ కళాశాలలో కాలేజి ప్రిన్సిపల్​ జిక్కి నేతృత్వంలో ఫ్రెషర్స్​ డే – ఉత్కర్శ 2021 కార్యక్రమాన్ని నిర్వహించారు. కార్యక్రమానికి విశిష్ట అతిథిగా ఎన్టీఆర్​ విశ్వవిద్యాలయం రిటైర్డు వైస్​ ఛాన్సలర్​ డా.పి. శ్యామ్​ ప్రసాద్,గౌరవ అతిథులుగా రిటైర్డ్ డి,యమ్.ఇ డా.వెంకటేష్,రిటైర్డ్ అడిషనల్ డి.య.మ్.ఇ డా.రామ చంద్రా రెడ్డి హాజరు కావడం జరిగింది. ముందుగా జ్యోతి ప్రజ్వలన చేసి కార్యక్రమాన్ని ప్రారంభించారు. అనంతరం ఎన్టీఆర్​ విశ్వవిద్యాలయం రిటైర్డు వైస్​ ఛాన్సలర్​ డా.పి. శ్యామ్​ ప్రసాద్ వైద్యవిద్యార్థులనుద్దేశించి మాట్లాడారు. వైద్య విద్యను ఇష్టం.. ప్రణాళికంగా చదవాలని, అప్పుడే ఉత్తీర్ణత సాధిస్తారన్నారు. వైధ్య విద్యార్థులు మానవ విలువలతో మెలగాలని, తల్లి తండ్రులను,గురువులను గౌరవించాలని రోగులను దేవతలుగా చూడాలని కోరారు. ఈ విధ్య జీవితంతాము ఉపయోగపడుతుందని అందువల్ల పునాది బలంగా వుండాలన్నారు. కార్యక్రములో సర్వజన వైధ్య శాల సూపరిండెంట్ డా. నరేంద్ర నాథ రెడ్డి , ప్రముఖ గుండె వైద్య నిపుణులు డా.పి. చంద్ర శేఖర్​ తదితరులు పాల్గొన్నారు. కార్యక్రమానికి ముందు కాలేజ్ యందు క్రీ.స్తు పూర్వం 6000 వ శతాబ్దం కు చెందిన శస్త్ర చికిత్సకు ఆధ్యుడు శుశ్రుత విగ్రహాన్ని వారు ప్రారంభించారు. . ఈ విగ్రహాన్ని కార్డియాలజీ విబాగం వారు తమ సిబ్బంది ఇటీవల మృతి చెందిన స్టాఫ్ నర్స్ జి.షీబా రాణి జ్ఞాపకార్థం భర్త ఎలియా సహకారం తో ఏర్పాటు చేయడం జరిగింది. ఈ కార్యక్రమము లో వైధ్య విద్యార్థులు చేసి సంస్కృతిక కార్యక్రమాలు అందరినీ అలరించడం జరిగింది. ఈ సంస్కృతిక కార్యక్రమాలను బయో కెమిస్త్రీ ప్రొఫెసర్ డా. పద్మ విజయ శ్రీ, సర్జరీ అసోసియేట్ ప్రొఫెసర్ డా. మాదవి శ్యామల, పథాలజీ ఆసిస్టంట్ ప్రొఫెసర్ డా. రేవతి సమన్వయంతో నిర్వహించారు.
జ్యోతిప్రజ్వలనగావిస్తున్న డా. శ్యామ్​ ప్రసాద్​

About Author

PALLEVELUGU

See author's posts