బడా హీరోల..జాబితాలో ప్రభాస్
1 min read
– ‘రాధేశ్యామ్’ తరువాత పెరిగిన రేంజ్
ఒక్కో సినిమాకు వంద కోట్ల రూపాయల పారితోషికం తీసుకునే అక్షయ్ కుమార్, అమిర్ ఖాన్, సల్మాన్ ఖాన్.. వంటి బడా హీరోల జాబితాలో యంగ్ రెబల్ స్టార్ ప్రభాస్ చేరాడట. దక్షిణాది నుంచి ఈ రేంజ్ పారితోషికం అందుకుంటున్న నటుడిగా నిలిచాడట. నిజానికి పైన చెప్పిన బాలీవుడ్ హీరోలకు దక్షిణాదిన అంత పెద్ద మార్కెట్ లేదు. కానీ, ప్రభాస్‌కు బాహుబలి కారణంగా దక్షిణాదిన ప్రతి రాష్ట్రంలోనూ, ఉత్తరాదిన మార్కెట్ ఏర్పడింది. ప్రభాస్‌కు దేశవ్యాప్తంగా అభిమానులున్నారు. ఈ నేపథ్యంలో ప్రభాస్‌తో మూడు వందల కోట్లు పెట్టి సినిమాలు తీసేందుకు నిర్మాతలు ముందుకు వస్తున్నారు. రాధేశ్యామ్ తర్వాత అంగీకరించిన సినిమాలన్నింటికీ ప్రభాస్ ఈ రేంజ్‌లోనే పారితోషికం తీసుకుంటున్నట్టు తెలుస్తోంది. రాధేశ్యామ్ కనుక దేశవ్యాప్తంగా విజయవంతమైతే ప్రభాస్ పారితోషికం మరింత పెరగవచ్చనే విశ్లేషణలు వినిపిస్తున్నాయి.
About Author
