విజయం… మాదే..
1 min read![అభిమానుల మధ్య కేక్ కట్ చేస్తున్న సురేందర్ రెడ్డి](https://i0.wp.com/newsnedu.com/wp-content/uploads/2021/02/10web090221.jpeg?fit=1024%2C680&ssl=1)
అభిమానుల మధ్య కేక్ కట్ చేస్తున్న సురేందర్ రెడ్డి
– జీ.పీ. ఎన్నికల్లో అధిక సీట్లు కైవసం చేసుకుంటాం..
– అభిమానుల మధ్య కేక్ కట్ చేసిన తెర్నేకల్ సురేందర్ రెడ్డి
– జన్మదిన శుభాకాంక్షలు తెలిపిన ప్రముఖులు
గ్రామ పంచాయతీ ఎన్నికల్లో అధికసీట్లు కైవసం చేసుకుంటామని వైసీపీ రాష్ర్ట అదనపు కార్యదర్శి తెర్నేకల్ సురేందర్ రెడ్డి ధీమా వ్యక్తం చేశారు. మంగళవారం నగరంలోని భవ్యశ్రీ హోటల్ దగ్గర తెర్నేకల్ సురేందర్ రెడ్డి జన్మదిన వేడుకలు ఘనంగా జరిగాయి. ఈ సందర్భంగా వందలాది మంది అభిమానుల మధ్య తెర్నేకల్ సురేందర్ రెడ్డి కేక్ కట్ చేశారు. అనంతరం పార్టీ కార్యకర్తలు, నాయకులకు తినిపించారు. ఆ తరువాత ఆయన మాట్లాడుతూ గ్రామపంచాయతీ ఎన్నికల్లో వైసీపీ జెండా ఎగరేస్తామన్నారు. రాష్ట్రంలో తొలివిడత గ్రామపంచాయతీ ఎన్నికలు ప్రశాంతంగా ముగిశాయని, ఇందుకు పార్టీ కార్యకర్తలు, అభిమానులు, నాయకులు క్రమశిక్షణతో మెలుగుతుండటమేనన్నారు. ప్రతిపక్ష పార్టీలు … వైసీపీ విజయాన్ని భరించలేక… ఆరోపణలు చేస్తున్నారని విమర్శించిన తెర్నేకల్ సురేంద్ర రెడ్డి… సీఎం వైఎస్ జగన్మోహన్ రెడ్డి అమలు చేస్తున్న సంక్షేమ పథకాలే గ్రామపంచాయతీలలో అధిక సీట్లు విజయానికి ప్రధానకారణమన్నారు. సీఎం వైఎస్ జగన్మోహన్ రెడ్డి పాలనను ప్రజలు మరోసారి ఓటు ద్వారా అభినందించడం సంతోషించదగ్గ విషయమని, ఓటర్లందరికీ రుణపడి ఉంటామన్నారు. అభిమానుల మధ్య తన జన్మదిన వేడుకలు జరుపుకోవడం ఆనందంగా ఉందన్నారు. కార్యక్రమంలో వైసీపీ కార్యకర్తలు, నాయకులు తదితరులు పాల్గొన్నారు.