అగ్ని ప్రమాద బాధితుడికి 10 వేల రూ.అందజేత
1 min read
– పదివేల రూపాయల తక్షణ నష్టపరిహారం పంపిణీ
పల్లెవెలుగు వెబ్ పెండ్లిమర్రి: అగ్ని ప్రమాదంలో కుటుంబ ఉపాధి చూపుతున్న దుకాణం దగ్ధమై కన్నీటి పర్యంతమవుతున్న ఒక నిరుపేద కుటుంబాన్ని కమలాపురం నియోజకవర్గం ప్రజా నాయకుడు, పేద ప్రజలకు అండగా నిలిచే సాయినాథ్ శర్మ స్ఫూర్తితో పెండ్లిమర్రి మండలంలోని ఆయన వర్గీయులు ప్రమాద బాధితుడికి పది వేల రూపాయలు నగదు ఆదివారం సాయంత్రం అందచేసారు. పెండ్లిమర్రి మండలం గోపరాజు పల్లి గ్రామంలో ప్రసాద్ అనే వ్యక్తి చిల్లర దుకాణం నడుపుకుంటూ కుటుంబాన్ని పోషించుకునేవాడు అయితే శనివారం అర్ధరాత్రి ప్రసాద్ నిర్వహిస్తున్న దుకాణం అగ్ని ప్రమాదానికి గురైంది ఈ ప్రమాదంలో దాదాపు రెండు లక్షల రూపాయలకు పైగా నష్టం చేకూరడంతో ప్రసాద్ కుటుంబం తల్లడిల్లి పోయింది. నిరుపేదలుగా ఉన్న ప్రసాద్ కు అగ్ని ప్రమాదం తీరని ఆశనిపాతంగా మారడంతో దిక్కు తెలియని పరిస్థితిలో వారి కుటుంబం ఆవేదన చెందింది. ప్రజా ప్రతినిధులు ఎవరు ఈ ప్రమాదం పట్ల స్పందించకపోవడం ప్రభుత్వ అధికారులు ఎవరూ పరిశీలించకపోవడం ప్రసాద్ ను మరింత ఆవేదనకు గురిచేసింది. అయితే అగ్నిప్రమాద విషయాన్ని కొంచెం ఆలస్యంగా తెలుసుకొన్న పెండ్లిమర్రి మండలంలోని సాయినాథ్ శర్మ వర్గీయులు ఆదివారం సాయంత్రం గోపరాజు పల్లెకు వెళ్లి ప్రసాద్ కుటుంబాన్ని పరామర్శించి వారి కుటుంబానికి అన్ని విధాల ఆదుకుంటామని భరోసా ఇచ్చి పదివేల రూపాయల తక్షణ నష్టపరిహారాన్ని అందించారు. తమను స్థానిక ప్రజాప్రతినిధులు అధికారులు ఎవరు పట్టించుకోనక నిర్లక్ష్యం చేసినప్పటికీ సాయినాథ్ శర్మ వర్గీయులు సేవాస్ఫూర్తితో మంచి మనసుతో తమను ఆదుకోవడం తమకెంతో సంతోషాన్ని ఇచ్చిందని అగ్ని ప్రమాద బాధితుడు ప్రసాద్ పేర్కొన్నాడు. కాగా రెండు రోజుల కిందట చెన్నూరులో జరిగిన అగ్ని ప్రమాదంలో నష్టపోయిన కుటుంబానికి ఆ మండలంలోని సాయినాథ్ శర్మ అభిమానులుఎల్ వి మునిరెడ్డి, బిసి ఓబుల రెడ్డి శివారెడ్డి అంకిరెడ్డి బాలకృష్ణ రెడ్డి గోవర్థన్ రెడ్డి రమణ, కొక్కు గోపాల్ మల్లికార్జున సుబ్బరాయుడు, గంగరాజు, బయన్న ఈశ్వరయ్య, గణేష్ ఇండియా, వడేకుల గంగరాజు,పది రూపాయల నష్టపరిహారం అందించడం అలాగే వారి స్ఫూర్తితో పెండ్లిమర్రి మండలంలో జరిగిన అగ్ని ప్రమాదంలో నష్టమైన బాధితునికి సాయినాథ్ శర్మ వర్గీయులు పది వేల నష్ట పరిహారం అందించడం చాలా మంచి శుభ పరిణామం అని కొందరు నియోజకవర్గంలోని పెద్దలు ప్రశంసిస్తున్నారు నాయకుని అనుచరులు అంటే పదిమందికి సేవ చేసే గుణం కలిగి ఉండి కష్టాల్లో ఉన్న తమ వారిని ఆదుకునే మనసు కలిగి ఉండాలని ఇటువంటి అభిమానులు కలిగిన సాయినాథ్ శర్మ నిజమైన ప్రజా సేవకుడు అని నియోజకవర్గంలోని ప్రజలు చర్చించుకొంటున్నారు.
About Author
