గుంటూరు జిల్లాలో 12మంది వీఆర్వోల సస్పెండ్!
1 min read
పల్లెవెలుగువెబ్, గుంటూరు: జిల్లాలోని పలు మండలాల్లోని సచివాలయాల్లో పనిచేస్తోన్న 12మంది వీఆర్వోలను సస్పెండ్ చేస్తూ కలెక్టర్ వివేక్యాదవ్ ఉత్తర్వలు జారీ చేశారు. అలాగే 13మంది తహసిల్దార్లకు సైతం షోకాజ్ నోటీసులు పంపారు. ఇటీవల కాలంగా ఆయా తహసిల్దార్ కార్యాలయాల పరిధుల్లో రెవెన్యూ సేవల నిమిత్తం వచ్చే ప్రజల సమస్యలను పరిష్కరించడంలో అటు తహసిల్దారుల, ఇటు వీఆర్వోలు నిర్లక్ష్యవైఖరి అవలంభిస్తుండడంతో కలెక్టర్ కన్నెర చేశారు. పలుమార్లు జాయింట్ కలెక్టర్లు సచివాలయాల తనిఖీ సమయాల్లోనూ, అలాగే టెలీ, వీడియో కాన్ఫరెన్సుల్లోనూ ఆయా తహసిల్దార్లు, వీఆర్వోలను ప్రజా దరఖాస్తులకు సంబంధించిన అంశాల పరిష్కారంపై హెచ్చరించినా పెడచెవిన పెట్టడడంతో జిల్లా కలెక్టర్ చర్యలకు ఉపక్రమించారు. ఈమేరకు షోకాజ్ నోటీసులు అందుకున్న తహసిల్దార్లలో గుంటూరు తూర్పు, పడమ, అచ్చంపేట, నత్తెనపల్లి, రెంటచింతల, దాచేపల్లి, కారంపూడి, ఈపూరు, నకరికల్లు, యడ్లపాడు, బాపట్ల, తెనాలి, పొన్నూరు మండలాల తహసిల్దార్లు ఉన్నారు. అలాగే సస్పెండ్ అయిన వారిలో అచ్చంపేట, వేల్పూరు, పొత్తూరు, ఒప్పిచర్ల 1, 2, గంగవరం, వనికుంట, నాదెండ్ల 1, రెమిడిచర్ల, పెదపులివరు, గార్లపాడు, పెదపాలెం వీఆర్వోలు ఉన్నారు.
About Author
