కానిస్టేబుల్ కుటుంబానికి 2000 బ్యాచ్ పోలీసుల చేయూత
1 min read
పల్లెవెలుగు వెబ్ కర్నూలు: తోటి బ్యాచ్ (2000 బ్యాచ్) పోలీసులు స్పందించి ఆదుకోవడం అభినందనీయం జిల్లా ఎస్పీ శ్రీ జి. కృష్ణకాంత్ ఐపియస్ 3 లక్షల 45 వేల నగదు బాధిత కుటుంబానికి అందజేత. 2000 బ్యాచ్ కు చెందిన కానిస్టేబుల్ ఎమ్. తిరుమలేశ్వర రెడ్డి ( పిసి 2258 ) కర్నూలు ట్రాఫిక్ పోలీసుస్టేషన్ లో పని చేస్తూ 2023 నవంబర్ 9 న అనారోగ్యముతో మృతి చెందారు. ఈయనకు ఒక కుమార్తె ఉన్నారు. ఈ సంధర్బంగా తమ తోటి కానిస్టేబుల్ కుటుంబానికి ఆర్ధిక సహాయం అందించి అండగా నిలిచి ఆదుకునేందుకు 2000 బ్యాచ్ చెందిన కర్నూలు , చిత్తూరు ఉమ్మడి జిల్లాల పోలీసులు తమ వంతు సహాయంగా సేకరించిన మొత్తం రూ. 3 లక్షల 45 వేల నగదును గురువారం జిల్లా పోలీసు కార్యాలయంలో జిల్లా ఎస్పీ శ్రీ జి.కృష్ణకాంత్ ఐపియస్ చేతుల మీదుగా కానిస్టేబుల్ కుమార్తె ఎమ్. దీపిక , కానిస్టేబుల్ తల్లి ఎమ్. కోంటమ్మ లకు అందజేశారు. ఈ కార్యక్రమంలో 2000 బ్యాచ్ కు చెందిన కర్నూలు , చిత్తూరు ఉమ్మడి జిల్లాల పోలీసులు పాల్గొన్నారు.
About Author
