వినాయక ఘాట్ వద్ద 3 మెడికల్ క్యాంపులు ఏర్పాటు
1 min read
– వినాయక నిమజ్జన ఉత్సవాల దృష్ట్యా మెడికల్ క్యాంపులు, 108 అంబులెన్స్ వాహనాలు, అగ్నిమాపక వాహనాల ఏర్పాటు వివరాలు – జిల్లా కలెక్టర్ డాక్టర్.జి.సృజన
పల్లెవెలుగు వెబ్ కర్నూలు: వినాయక నిమజ్జన ఉత్సవాల దృష్ట్యా ముఖ్య ప్రాంతాలలో మెడికల్ క్యాంపులు, 108 అంబులెన్స్ వాహనాలు, అగ్నిమాపక వాహనాలు ఏర్పాటు చేస్తున్నామని జిల్లా కలెక్టర్ డాక్టర్.జి.సృజన ఒక ప్రకటనలో పేర్కొన్నారు.వినాయక నిమజ్జన ఉత్సవాల దృష్ట్యా ముందు జాగ్రత్త చర్యల్లో భాగంగా వినాయక ఘాట్ వద్ద మూడు మెడికల్ క్యాంపులు ఏర్పాటు చేయడం జరిగిందన్నారు..అదే విధంగా పూలబజార్, పెద్ద మార్కెట్ లక్ష్మీనరసింహస్వామి కళ్యాణ్ మండపం, రాజ్ విహార్ సర్కిల్, బళ్లారి చౌరస్తా, చెన్నమ్మ సర్కిల్ కల్లూరు, ఆర్ ఎస్ రోడ్, ఫైవ్ రోడ్ సర్కిల్, బిర్లా గేట్, కలెక్టరేట్ వద్ద కూడా మెడికల్ క్యాంప్ లు ఏర్పాటు చేయడం జరిగిందన్నారు.. పెద్ద మార్కెట్ లక్ష్మీనరసింహస్వామి కళ్యాణ్ మండపం, ఓల్డ్ కంట్రోల్ రూమ్, రాజ్ విహార్ సర్కిల్, సి క్యాంప్ సర్కిల్, బళ్లారి చౌరస్తా, ఆర్ ఎస్ రోడ్ ఫైవ్ రోడ్ సర్కిల్ , గాయత్రి ఎస్టేట్, వినాయక ఘాట్ వద్ద 108 అంబులెన్స్ వాహనాలు ఏర్పాటు చేయడం జరిగిందని కలెక్టర్ తెలిపారు.. అలాగే వినాయక ఘాట్, రాజ్ విహార్ సెంటర్, ఓల్డ్ బస్టాండ్ మార్కెట్, స్టాంటన్ పురం వద్ద వద్ద అగ్నిమాపక వాహనాలతో పాటు సంబంధిత పరికరాలను, రెస్క్యూ టీం ను కూడా ఏర్పాటు చేయడం జరిగిందని కలెక్టర్ వివరించారు.. అవసరమైన పరిస్థితుల్లో ఈ సౌకర్యాలను వినియోగించుకోవాల్సిందిగా కలెక్టర్ విజ్ఞప్తి చేశారు.
About Author
