జర్నలిస్టుల పిల్లల విద్యకు…60శాతం రాయితీ ఇవ్వాలి: ఏపీజేఎఫ్
1 min read
పల్లెవెలుగు వెబ్: సమాజ శ్రేయస్సు కోసం నిరంతరం స్వచ్ఛందంగా పని చేసే జర్నలిస్టుల పిల్లల విద్యకు.. కార్పొరేట్, ప్రైవేట్ పాఠశాలలో ఫీజులో 60శాతం రాయితీ ఇవ్వాలని కలెక్టర్ కోటేశ్వరరావును కోరారు ఏపీజేఎఫ్ కర్నూలు జిల్లా నాయకులు. సోమవారం కర్నూలు కలెక్టరేట్లోని సునయన ఆడిటోరియంలో జరిగే ‘ స్పందన ’ కార్యక్రమంలో భాగంగా కలెక్టర్ కోటేశ్వరరావును ఏపీజేఎఫ్ జిల్లా అధ్యక్షుడు టి. రామకృష్ణ ఆధ్వర్యంలో నాయకులు కలిశారు. జర్నలిస్టుల పిల్లలకు సంబంధించి కార్పొరేట్, ప్రైవేట్ పాఠశాలల్లో ఫీజులు రాయితీ కల్పించాలని కోరుతూ వినతిపత్రం అందజేశారు. ఈ సందర్భంగా జిల్లా అధ్యక్షుడు టి. రామకృష్ణ మాట్లాడుతూ ఎన్నో సమస్యలు ఎదుర్కొంటూ… సమాజ అభివృద్ధికి పాటుపడే జర్నలిస్టుల పిల్లల చదువులో రాయితీ కల్పించేలా ఆదేశాలు జారీ చేయాలని కోరారు. ఇందుకు స్పందించిన కలెక్టర్ కోటేశ్వరరావు జర్నలిస్టుల పిల్లల చదువు విషయంలో ప్రత్యేక చొరవ తీసుకుంటామని, డీఈఓకు ఆదేశాలు జారీ చేస్తామని హామీ ఇచ్చారు. కలెక్టర్ను కలిసిన వారిలో జి. సామెల్. మధు. కే శ్రీనివాసులు సుదర్శన్. మంజునాథ్. శ్రీనాథ్ రెడ్డి, రాఘవేంద్ర గౌడ్. పుల్లయ్య. రవి కుమార్ నాయుడు, సురేష్. నరసింహ. రాజు. M.మధు. శేఖర్.. గంగాధర్. తదితరులు పాల్గొన్నారు.
About Author
