వెలుగోడు లో వైసిపికి భారీ షాక్.. టిడిపి లో చేరిన 80 కుటుంబాలు..
1 min read
పల్లెవెలుగు వెబ్ వెలుగోడు: శ్రీశైలం నియోజకవర్గంలో అధికార వైఎస్ఆర్ కాంగ్రెస్ పార్టీకి వరుస షాక్ లు తగులుతున్నాయి. గురువారం వెలుగోడు పట్టణం పాత తెలుగు పేట కాలానికి చెందిన 80 కుటుంబాలు తెలుగు పెద్ద శేషన్న, తెలుగు తిమ్మయ్య, మాజీ ఎంపిటిసి రమణ, మాజీ ఎంపిటిసి భద్రుడు, తెలుగు శ్రీనివాసులు, తెలుగు గోవిందు, వి.శ్రీను, గట్టప్ప వెంకటేశ్వర్లు ల ఆధ్వర్యంలో తెలుగుదేశం పార్టీలో చేరారు. వీరికి మాజీ ఎమ్మెల్యే, శ్రీశైలం అసెంబ్లీ టిడిపి అభ్యర్థి శ్రీ బుడ్డా రాజశేఖర రెడ్డి కండువా వేసి పార్టీలోకి సాదరంగా ఆహ్వానించారు. బీసీల అభ్యున్నతికి పాటు పడిన ఏకైక పార్టీ తెలుగుదేశం అని, టిడిపి తోనే బీసీల సంక్షేమం సాధ్యమని విశ్వసించి టిడిపిలో చేరినట్లు ఈ సందర్భంగా వారు తెలిపారు. రానున్న ఎన్నికల్లో టిడిపి అభ్యర్థి శ్రీ బుడ్డా రాజశేఖర రెడ్డిని అఖండ మెజారిటీతో గెలిపించుకుంటామని ధీమా వ్యక్తం చేశారు.
About Author
