నేడే ఎంపీటీసీ, జ‌డ్పీటీసీ ఎన్నిక‌ల‌పై తుదితీర్పు !
1 min read
ప‌ల్లెవెలుగు వెబ్ : ఏపీలో ఎంపీటీసీ, జ‌డ్పీటీసీ ఎన్నిక‌ల తుదితీర్పు గురువారం వెలువ‌డ‌నుంది. స్థానిక ఎన్నిక‌లు ర‌ద్దు చేస్తు హైకోర్టు సింగిల్ జడ్జి ఇచ్చిన తీర్పుపై రాష్ట్ర ఎన్నిక‌ల సంఘం దాఖ‌లు చేసిన అప్పీల్ లో ధ‌ర్మాస‌నం ముందు వాద‌న‌లు ముగియ‌గా.. తీర్పును హైకోర్టు రిజ్వర్ చేసింది. ఈ ఏడాది ఏప్రిల్ 1న ఎస్ఈసీ నీలం సాహ్ని ఇచ్చిన నోటిఫికేష‌న్ ఆధారంగా ఏప్రిల్ 8న రాష్ట్ర వ్యాప్తంగా జ‌రిగిన జ‌డ్పీటీసీ, ఎంపీటీసీ ఎన్నిక‌లు ర‌ద్దు చేస్తూ హైకోర్టు సింగిల్ జడ్జి మే 21న కీల‌క తీర్పునిచ్చారు. పోలింగ్ తేదికి నాలుగు వారాల ముందు ఎన్నిక‌ల కోడ్ విధించాల‌న్న సుప్రీం ఆదేశాల‌కు విరుద్దంగా నోటిఫికేష‌న్ ఉంద‌ని పేర్కొన్నారు. జ‌డ్పీటీసీ, ఎంపీటీసీ ఎన్నిక‌లు నిర్వహ‌ణ‌కు తాజా నోటిఫికేష‌న్ ఇవ్వాల‌ని తీర్పునిచ్చారు. ఈ తీర్పును స‌వాల్ చేస్తూ ఎస్ఈసీ, ఎన్నిక‌ల్లో పోటీ చేసిన కొంద‌రు అభ్యర్థులు హైకోర్టు ధ‌ర్మాస‌నం ముందు అప్పీల్ చేశారు. ఈ నేప‌థ్యంలో గురువారం హైకోర్టు తుదితీర్పును ఇవ్వ‌నుంది. హైకోర్టు తీర్పుపై స‌ర్వ‌త్రా ఉత్కంఠ నెల‌కొంది.
About Author
