ఆర్యవైశ్య పట్టణ అధ్యక్షుడిగా లాలం సుధాకర్
1 min read
పల్లెవెలుగు వెబ్, వెలుగోడు : ఆర్యవైశ్య ( శ్రీ వాసవి కన్యకా పరమేశ్వరి దేవస్థానం) పట్టణ అధ్యక్షునిగా లాలం సుధాకర్, మండల అధ్యక్షునిగా లాలం రామకృష్ణ ప్రమాణ స్వీకార మహోత్సవ వేడుక ఘనంగా జరిగింది. ఆదివారం పట్టణంలో జరిగిన ఈ వేడుకలకు ఎంపీపీ లాలం రమేష్, కర్నూలు జిల్లా అధ్యక్షులు నాగ సత్యనారాయణ, ప్రధాన కార్యదర్శి శ్యాం సుందర్ గుప్తా, కోశాధికారి పార్థసారథి, ఉపాధ్యక్షులు మల్లికార్జున హాజరయ్యారు.
ఈ సందర్భంగా లాలం సుధాకర్ మాట్లాడుతూ ఎమ్మెల్యే శిల్పా చక్రపాణి రెడ్డి సహకారంతో పట్టణ మండల ప్రజలతో పాటు ఆర్య వైశ్యులు ఐక్యతతో తన సోదరుడు లాలం రమేష్ ను ఎంపీపీగా గెలిపించినందుకు కృతజ్ఞతలు తెలిపారు. ఎం పి పి లాలం రమేష్ మాట్లాడుతూ ఆర్య వైశ్యులు అన్ని రంగాల్లో ఎదగాలని ఆకాంక్షించారు. అంతకుముందు పట్టణంలోని శ్రీ పొట్టి శ్రీరాములు సెంటర్ నుండి వాసవి మాత కన్యకా పరమేశ్వరి దేవస్థానం వరకు ర్యాలీ నిర్వహించారు. అనంతరం ఎం పి పి లాలం రమేష్, ఆర్యవైశ్య పట్టణ మండల అధ్యక్షులు లాలం సుధాకర్, లాలం రామకృష్ణను సన్మానించారు. ఆర్య వైశ్య కులానికి చెందిన ఇనుగూరి శ్రీనివాసులు కుమారుడు మణిదీప్ పి జి లో 800/616 మార్కులతో ఫ్రీ సీట్ సాధించిన సందర్భంగా లాలం సుధాకర్, లాలం రమేష్ దంపతులు ఆ విద్యార్థిని సన్మానించారు. ఈ కార్యక్రమంలో లాలం సత్యనారాయణ, మహేశ్వర గుప్తా, గోపాల్, ఇస్కాల ప్రసాద్, నాగరాజు ఆర్యవైశ్యులు పాల్గొన్నారు .
About Author
