ఆలయ అర్చకుల సమస్యలు పరిష్కరించాలి
1 min read
– వీహెచ్పీ రాష్ట్ర కార్యాధ్యక్షులు నందిరెడ్డి సాయిరెడ్డి
పల్లెవెలుగు వెబ్, కర్నూలు: లోకాఃసమస్తా సుఖినోభవంతూ…అని మనసారా దీవించే ఆలయాల అర్చకుల జీవితాలు దుర్భరంగా మారాయన్నారు విశ్వహిందూపరిషత్ రాష్ట్ర కార్యాధ్యక్షులు నందిరెడ్డి సాయిరెడ్డి. ధూపదీప నైవేద్యం స్కీం కింద అర్చకులకు ఇచ్చే ధనం వెంటనే ఇవ్వాలని డిమాండ్ చేస్తూ మంగళవారం వీహెచ్పీ ఆధ్వర్యంలో ఆలయ అర్చకులు ఎండోమెంట్ కార్యాలయం ముందు ధర్నా నిర్వహించారు. ఈ సందర్భంగా విశ్వహిందూపరిషత్ రాష్ట్ర కార్యాధ్యక్షులు నందిరెడ్డి సాయిరెడ్డి మాట్లాడుతూ గతంలో ఆదాయం లేని ఆలయాలలో నిత్యం జరిగే కైంకర్యాలకు ఇబ్బంది రాకూడదనే ఉద్దేశంతో దూప దీప నైవేద్యం స్కీమును ప్రభుత్వం ప్రారంభించి సుమారు 2500 రూపాయలు ఈ స్కీమ్ కింద 6 సీ. ఆలయాలకు ఇచ్చేది. కానీ గత కొన్ని నెలలుగా ఆ ధనం ఇవ్వకపోవడం… కరోన కారణంగా భక్తులు ఆలయాలకు రాకపోవడంతో అర్చకులు ఆర్థిక ఇబ్బందులు ఎదుర్కొంటున్నారు. రాష్ట్ర ప్రభుత్వం స్పందించి అర్చకుల సమస్యలు పరిష్కరించాలని డిమాండ్ చేశారు.
అనంతరం డిమాండ్లతో కూడిన వినతిపత్రాన్ని ఎండోమెంట్ అధికారులకు అందజేశారు. కార్యక్రమంలో విశ్వహిందూ పరిషత్ రాష్ట్ర ధర్మప్రసార్ కన్వీనర్ ఏ.వీ.ప్రసాద్,అర్చక పురోహిత జిల్లా కన్వీనర్ సాయినాథశర్మ, కర్నూలు నగర కార్యాధ్యక్షులు గోరంట్ల రమణ, జిల్లా కార్యదర్శి విజయుడు,చాలా గ్రామాల నాయకులు పాల్గొన్నారు.
About Author
