దేశానికి ఏడు డిఫెన్స్​ కంపెనీలు! ప్రారంభించిన ప్రధాని మోడీ

పల్లెవెలుగువెబ్​, ఢిల్లీ: భారతప్రధాని నరేంద్రమోడీ విజయదశమి పర్వదినాన్ని పురస్కరించుకుని దేశానికి ఏడు రక్షణ(డిఫెన్స్​)కంపెనీలను అంకితం చేశారు. దీంతో దేశం ప్రపంచంలోనే బలమైన మిలిటరీ శక్తిగా నిలువనుంది. ఈమేరకు శుక్రవారం రక్షణ మంత్రి రాజ్​నాథ్​సింగ్​ నేతృత్వంలో కేంద్ర రక్షణ మంతృత్వశాఖ నిర్వహించిన ప్రత్యేక కార్యక్రమంలో ప్రధాన మోడీ సదరు డిఫెన్స్​ కంపెనీలను వర్చువల్​గా ప్రారంభించారు. జాతికి అంకతం చేసిన కంపెనీల్లో మునిషన్స్ ఇండియా లిమిటెడ్ (MIL); ఆర్మర్డ్ వెహికిల్స్ నిగమ్ లిమిటెడ్ (AVANI), అడ్వాన్స్‌డ్ వెపన్స్ అండ్ ఎక్విప్‌మెంట్ ఇండియా లిమిటెడ్ (AWE ఇండియా), ట్రూప్ కంఫోర్ట్స్ లిమిటెడ్ (TCL), యంత్ర ఇండియా లిమిటెడ్ (YIL); ఇండియా ఆప్టెల్ లిమిటెడ్ (IOL) మరియు గ్లైడర్స్ ఇండియా లిమిటెడ్ (GIL) ఉన్నాయి. ఆయా సంస్ధలు ఆర్మీ, నేవీ, ఎయిర్ ఫోర్స్ తో పాటు పారామిలటరీ బలగాలకు చెందిన రూ.65 వేల కోట్ల విలువైన 66 ఒప్పందాలు కుదుర్చుకోనున్నాయి. సదరు కంపెనీలు ఈ ఏడు కంపెనీలు రీసెర్చ్, ఇన్నోవేషన్స్‌కు ప్రాధాన్యత ఇవ్వాలని ప్రధానమంత్రి మోడీ కోరారు. భవిష్యత్ టెక్నాలజీకి మీరు నాయకత్వం వహించాలని, పరిశోధకులకు సరికొత్త అవకాశాలనివ్వాలని సూచించారు. ఈ దిశగా ఉనికిలోకి వచ్చే స్టార్టప్‌లనూ ఈ ఏడు కంపెనీలు తమలో కలుపుకోవాలని తెలిపారు.

About Author

palle velugu National

See author's posts