క్రీడలతో.. జోష్..
1 min read
ఫుట్బాల్ ఆడుతున్న ప్యాపిలి యువత
- ఎస్ఐ మారుతి శంకర్
ప్యాపిలి వెబ్, పల్లెవెలుగు : క్రీడలతో మానసికోల్లాసంతోపాటు శారీరక ధృఢత్వం లభిస్తుందని ప్యాపిలీ ఎస్ఐ మారుతి శంకర్ యువతకు పిలుపునిచ్చారు. గురువారం ప్యాపిలీ యువతకు క్రీడలపై మక్కువ పెంచేందుకు స్వయంగా తానే రంగంలోకి దిగారు. పత్తికొండ నుంచి పదిమంది క్రీడాకారులను పిలిపించి.. ప్యాపిలి యువతతో ఫుట్బాల్ ఆడించారు. క్రీడల ప్రాధాన్యం తెలుసుకోవాలని, ఉద్యోగ సమయంలోనూ క్రీడలపై వచ్చిన సర్టిఫికెట్లను పరిగణలోకి తీసుకుంటారని తెలిపారు. గతంలోనూ ఎస్ఐ మారుతి శంకర్ మిలిటరీ వెళ్లే యువతకు శిక్షణ ఉచితంగా ఇప్పించి… ఉద్యోగం వచ్చేలా తన వంతు కృషి చేశారు. ప్యాపిలి యువతను మంచి మార్గంలో నడిపించడంతోపాటు వారికి ఉద్యోగాన్వేషణపై దృష్టిసారేలా చూస్తున్న ఎస్ఐ మారుతి శంకర్ను ప్రజలు, విద్యార్థుల తల్లిదండ్రులు అభినందిస్తున్నారు.
About Author
