ప్ర‌యాణీకుల‌ను వ‌దిలేసి వెళ్లిపోయిన విమానం !
1 min read
ప‌ల్లెవెలుగువెబ్ : ఆన్ లైన్ లో టికెట్లు క‌నిపించ‌లేదంటూ న‌లుగురు ప్ర‌యాణీకుల‌ను ఎయిర్ పోర్టులోనే విమానం వ‌దిలేసిపోయిన ఘ‌ట‌న హైద‌రాబాద్ లోని శంషాబాద్ లో చోటుచేసుకుంది. అది కూడ మ‌హిళా ప్ర‌యాణీకులు కావ‌డం గ‌మ‌నార్హం. హైద‌రాబాద్ కు చెందిన సుప్రియ, శిరీష కుటుంబ స‌భ్యులు శ్రీలంక‌లోని కొలంబోలో నివాసం ఉంటున్నారు. ఇటీవ‌ల హైద‌రాబాద్ వ‌చ్చిన సుప్రియ, శిరీష కుటుంబ స‌భ్యులు తిరుగు ప్ర‌యాణం కోసం శ్రీలంకన్ ఎయిర్ లైన్స్ యూఎల్ – 178 విమాన స‌ర్వీసులో కొలంబో వెళ్ల‌డానికి ఓ ఏజెన్సీ ద్వార టికెట్ బుక్ చేసుకున్నారు. ఎయిర్ పోర్టులో చివ‌రి నిమిషంలో ఆన్ లైన్ లో టికెట్లు క‌నిపించ‌లేదంటూ సుప్రియ, శిరీష కుటుంబ స‌భ్యుల్ని విమానం వ‌దిలేసి వెళ్లిపోయింది. తాము మోస‌పోయామ‌ని ఆందోళ‌న చెందుతున్న బాధితుల్ని ఎయిర్ పోర్ట భ‌ద్ర‌తా సిబ్బంది అదుపులోకి తీసుకున్నారు. వెన‌క్కి వెళ్ల‌డానికి వీలులేకుండా గంట‌న్న‌ర పాటు ఉంచార‌ని బాధితులు తెలిపారు. ఆ త‌ర్వాత ఆర్టీఐఏ పోలీసులకు ఫిర్యాదు చేసి ఇంటికెళ్లారు.
About Author
