ట్రైల‌ర్ తో అద‌ర‌గొట్టిన ‘వ‌కీల్ సాబ్’

ఎప్పుడెప్పుడా అని ఎదురు చూస్తున్న వ‌కీల్ సాబ్ ట్రైల‌ర్ రానే వ‌చ్చింది. వ‌చ్చీరావ‌డంతోనే.. అభిమానుల్లో అంచ‌నాల్ని పెంచేసింది. కోర్టులో ప‌వ‌న్ క‌ళ్యాణ్, ప్రకాశ్ రాజ్ మ‌ధ్య జ‌రిగిన స‌న్నివేశాలు ఉత్కంఠ‌ను రేపుతున్నాయి. సినిమా అంచ‌నాల్ని అమాంతం పెంచేశాయి. ట్రైల‌ర్ లో ప‌వ‌న్ క‌ళ్యాణ్ డైలాగ్ డెలివ‌రీ, లుక్ అదిరిపోయాయి. వివిధ జిల్లాల్లో ప్రత్యేకంగా థియేట‌ర్లలో వ‌కీల్ సాబ్ సినిమా ట్రైల‌ర్ ను విడుద‌ల చేశారు. థియేట‌ర్ల వ‌ద్ద అభిమానుల హంగామ చేశారు. కోర్టులో వాదించ‌డ‌మూ తెలుసు.. కోటు తీసి కొట్టడ‌మూ తెలుసంటూ ప‌వ‌న్ చెప్పిన డైలాగ్ మాస్ ప్రేక్షకుల్ని బాగా ఆకట్టుకుంటోంది. ట్రైల‌ర్ విడుద‌ల‌యిన కొద్దిసేప‌టికే ల‌క్షల్లో వ్యూవ్స్ వ‌చ్చాయి. వ‌కీల్ సాబ్ సినిమా ఏప్రిల్ 9న ప్రేక్షకుల ముందుకు వ‌స్తో్ంది. శ్రీరామ్ వేణు ద‌ర్శక‌త్వం వ‌హిస్తున్న ఈ సినిమాకి త‌మ‌న్ సంగీతం అందిస్తున్నారు. దిల్ రాజు చిత్రాన్ని నిర్మిస్తున్నారు.

About Author

PALLEVELUGU

See author's posts