ఉపాధ్యాయుల అక్రమ అరెస్టులకు.. పత్తికొండలో నిరసన
1 min read
పల్లెవెలుగు వెబ్, పత్తికొండ: PRC సాధన సమితి ఆధ్యర్యంలో నేడు PRC సాధన సమితి తాలూకా నాయకులు ఆస్పరి సాయిబాబా నాయకత్వంలోఉద్యోగ ఉపాధ్యాయ పెన్షనర్లు పత్తికొండ నాలుగు స్తంభాల కూడలిలో నిన్న జరిగిన ఉద్యోగ ఉపాధ్యాయుల అక్రమ అరెస్టులకు వ్యతిరేకంగా నిరసన తెలిపారు.అక్రమ అరెస్టులతో ఉద్యమాలను అడ్డుకోలేరని ప్రభుత్వాన్ని హెచ్చరించారు. విజయవాడ ర్యాలీకి బయలు దేరిన ఉద్యోగ ఉపాధ్యాయులను ముందస్తుగా అరెస్టుచేసి ర్యాలీని నిర్వీర్యం చేయాలనుకోవడం ప్రభుత్వం అవివేకంగా భావించవలసి వస్తుందని వారు వాపోయారు.సమస్యల పరిష్కారం కోసం ప్రభుత్వం దృష్టి సారించకుండా,కృషి చేయకుండా అరెస్టులతో ను,సాధింపులతోను,బెదిరింపులతోను ఉద్యమాన్ని అణచాలను కోవడం పూర్తి అవివేకంగా ఆలోచించడం బాగాలేదని వారు ఆవేదన వ్యక్తం చేశారు.ఈ నిరసన కార్యక్రమంలో ప్రభుత్వానికి వ్యతిరేకంగా నినాదాలిచ్చారు.ఈ నిరసన కార్యక్రమంలో TMD హుస్సేన్,అల్లిపేరా,త్రిభునేశ్వర రెడ్డి, హనుమంతప్ప,జయరాముడు,సత్యనారాయణ, రామమోహన రెడ్డి,ప్రసాద్ బాబు,బాబురావు, పాండురంగారెడ్డి,జయలక్ష్మి,వీరమ్మ మొదలగు వారు పాల్గొని మాట్లాడారు.
About Author
