ఇస్లామిక్ స్టేట్ చీఫ్ హతం.. బైడెన్ ప్రకటన !
1 min read
పల్లెవెలుగువెబ్ : ఇస్లామిక్ స్టేట్ చీఫ్ అబు ఇబ్రహీం అల్ హష్మిమి అల్ ఖురేషిని అమెరికా బలగాలు హతమార్చినట్టు ఆ దేశ అధ్యక్షుడు జో బైడెన్ ప్రకటించారు. బాగ్దాదీ ఎక్కడ, ఎలా అయితే మరణించాడో, ఖురేషీ కూడా అలాగే మరణించాడని అమెరికా అధికారి ఒకరు తెలిపారు. ఈ దాడిలో ఖురేషీతోపాటు మహిళలు, పిల్లలు సహా అతడి కుటుంబ సభ్యులు మరణించారు. అమెరికా కమాండోల దాడిలో ఐఎస్ చీఫ్ అబు బకర్ అల్ బగ్దాది హతమయ్యాక 31 అక్టోబరు 2019లో అబు ఇబ్రహీం అల్ హష్మిమి అల్ ఖురేషి ఈ ఉగ్రవాద గ్రూపు బాధ్యతలు చేపట్టాడు. అబూ బకర్‌ను తుదముట్టించిన తర్వాత సిరియాలో అమెరికా చేపట్టిన రెండో అతిపెద్ద ‘ఆపరేషన్’ ఇదే కావడం గమనార్హం.
About Author
