ఆర్టీసీ బస్సు – బొలెరో వాహనం ఢీ : ఇద్దరు మృతి
1 min read
పల్లెవెలుగు వెబ్, నందికొట్కూరు: కర్నూలు జిల్లా నందికొట్కూరు మండలం దామగట్ల అంచె వద్ద శుక్రవారం తెల్లవారు జామున ఆర్టీసీ బస్సు, బొలెరో వాహనం ఢీకొన్నాయి. ఈ ప్రమాదంలో బొలెరో వాహనం డ్రైవర్ స్వామి రెడ్డి అక్కడికక్కడే చ‌నిపోయారు. మరో వ్యక్తిని చికిత్స నిమిత్తం ఆస్పత్రికి తరలిస్తుండగా మృతి చెందాడు. మృతులు కోసిగి మండలానికి చెందిన‌వారిగా తెలుస్తోంది.వీరు ఎండు మిరపకాయ ను గుంటూరులో విక్రయించి తిరుగు ప్రయాణంలో ఈ ప్రమాదం చోటుచేసుకుంది .సంఘటన స్థలానికి చేరుకున్న బ్రాహ్మణకొట్కూరు ఎస్ ఐ ఓబులేషు కేసు నమోదు చేసుకొని దర్యాప్తు చేస్తున్నారు. దీనికి సంబంధించి మరిన్ని వివ‌రాలు తెలియాల్సి ఉంది.
About Author
