జానీ మాస్టర్ కు ఖరీదైన కారు గిప్ట్ ఇచ్చిన హీరో !
1 min read
ప‌ల్లెవెలుగువెబ్ : ప్రముఖ కొరియోగ్రాఫర్ జానీ మాస్టర్‌కు కన్నడ స్టార్ హీరో కిచ్చా సుదీప్ కాస్ట్లీ కారు గిఫ్టుగా ఇచ్చారు. టాలీవుడ్‌లో ఉన్న దాదాపు అందరు స్టార్ హీరోలకు డాన్స్ కొరియోగ్రఫీ అందించిన వారిలో జానీ మాస్టర్ ఒకరు. కన్నడ స్టార్ హీరో తెలుగులోనూ ఈగ, బాహుబలి, సైరా లాంటి భారీ చిత్రాలలో నటించి మంచి పాపులారిటీ తెచ్చుకున్న కిచ్చా సుదీప్.. తాజాగా జానీ మాస్టర్‌కు ఖరీదైన మహీంద్ర థార్ కారుని బహుమతిగా ఇచ్చారు. దీని విలువ సుమారు 15 లక్షలు వరకు ఉంటుందట. ఈ సందర్భంగా సుదీప్‌తో జానీ మాస్టర్ కొత్త కారు ముందు నిలుచొని ఫొటోలు దిగారు. ఈ ఫొటోలు ఇప్పుడు నెట్టింట చక్కర్లు కొడుతూ వైరల్‌గా మారాయి. కాగా, సుదీప్ హీరోగా నటించిన ‘విక్రాంత్ రోణా’ చిత్రంలో ఓ పాటకు జానీ మాస్టర్ డాన్స్ కొరియోగ్రఫీ అందించారు.
About Author
