బాధితులకు.. భరోసా..
1 min read
బాధితులను పరామర్శిస్తున్న డిప్యూటీ సీఎం ఆళ్లనాని, పక్కనే ఎంపీలు, ఎమ్మెల్యేలు, కలెక్టర్
– డయేరియా బాధితులకు మెరుగైన వైద్యం అందించండి
– వైద్యులను ఆదేశించిన రాష్ట్ర ఉప ముఖ్యమంత్రి, వైద్య ఆరోగ్య శాఖ మంత్రి ఆళ్ల కాళీ కృష్ణ శ్రీనివాస్
– ఆదోని, గోరుకల్లులో పర్యటించిన మంత్రి
పల్లెవెలుగు వెబ్, కర్నూలు ( ఆదోని / గోరుకల్లు ) : జిల్లాలోని వాంతులు, విరేచనాలతో అస్వస్థతకు గురైన ఆదోని, గోరుకల్లులో రాష్ట్ర ఉప ముఖ్యమంత్రి, వైద్య ఆరోగ్య శాఖ మంత్రి శ్రీ ఆళ్ల కాళీ కృష్ణ శ్రీనివాస్ (ఆళ్ల నాని), రాష్ట్ర కార్మిక శాఖ మంత్రివర్యులు గుమ్మనూరు జయరామ్ , ఎంపీ డా. సంజీవ్ కుమార్, కలెక్టర్ జి. వీరపాండియన్ పర్యటించారు. ఈ సందర్భంగా ఆదోని ఎమ్మెల్యే సాయి ప్రసాద్ రెడ్డి తో కలిసిఇ స్థానిక ఏరియా ఆస్పత్రిలో చికిత్సపొందుతున్న బాధితులను పరామర్శించారు. బాధితుల పరిస్థితి గురించి వైద్యులను అడిగి తెలుసుకున్నారు. బాధితులకు మెరుగైన వైద్యం అందించాలని డిప్యూటీ సీఎం వైద్యులను ఆదేశించారు. డయేరియాకు గల కారణాలను మున్సిపల్ అధికారులను అడిగి తెలుసుకున్నారు.
మృతులకు.. రూ.3 లక్షలు ఎక్స్గ్రేషియా..
ఆదోని పర్యటన అనంతరం మధ్యాహ్నం ఓర్వకల్లు మండలం గోరుకల్లులో డిప్యూటీ సీఎంతోపాటు ఎమ్మెల్యే కాటసాని రాంభూపాల్ రెడ్డి, పర్యటించారు. గోరుకల్లులో బాధితులను పరామర్శించి.. ఆరోగ్య పరిస్థితులను అడిగి తెలుసుకున్నారు. ఆ తరువాత గోరుకల్లులో ముగ్గురు, ఆదోనిలో ఒకర మృతి చెందినట్లు గ్రామస్తులు డిప్యూటీ సీఎం దృష్టికి తీసుకెళ్లారు. సీఎం ఆదేశానుసారం బాధిత కుటుంబాలకు ఒక్కొక్కరికి రూ.3 లక్షలు చొప్పున ఎక్స్గ్రేషియా చెల్లిస్తామని హామీ ఇచ్చారు. అనంతరం వైద్యులు, మున్సిపల్; ఆర్డబ్ల్యూ ఎస్ అధికారులతో సమీక్ష నిర్వహించారు.తాగునీరు కలుషితం కాకుండా ఎప్పటికప్పుడు చర్యలు తీసుకోవాలని ఆర్డబ్ల్యూఎస్ అధికారులను ఆదేశించారు. కార్యక్రమంలో నంద్యాల పార్లమెంట్ సభ్యులు పోచ బ్రహ్మానంద రెడ్డి , జాయింట్ కలెక్టర్ రామ్ సుందర్ రెడ్డి, నంద్యాల సబ్ కలెక్టర్ కల్పనా కుమారి , డిఎంహెచ్ ఓ డాక్టర్ రామ గిడ్డయ్య, ఇన్చార్జి డిప్యూటీ డిఎంఅండ్హెచ్ఓ అంకిరెడ్డి, డిపిఓ ప్రభాకర్, జడ్పీ సీఈవో వెంకటసుబ్బయ్య , ఆర్డబ్ల్యూఎస్ ఎస్సీ విద్యాసాగర్ తదితరులు పాల్గొన్నారు.
About Author
