నాటుసారా తయారీ పై ఉక్కుపాదం మోపుతాం
1 min read
పల్లెవెలుగుఅన్నమయ్య జిల్లా రాయచోటి : నాటుసారా తయారీ పై ఉక్కుపాదం మోపుతామని రాయచోటి అర్బన్ సి ఐ సుధాకర్ రెడ్డి హెచ్చరించారు. అన్నమయ్య జిల్లా యస్.పి వి. హర్షవర్ధన్ రాజు, ఐ .పి.యస్ గారి ఆదేశాల మేరకు, మంగళవారం రాయచోటి యు/జి పోలీస్ స్టేషన్ ఇన్స్పెక్టర్ యం . సుధాకర రెడ్డి నేతృత్వం లో తన సిబ్బందితో కలిసి వరిగ పంచాయతిలోని శేట్టివాండ్లపల్లి మరియు చౌడ చెరువు గ్రామసమీపంలో నాటు సారా తయారి స్థావరాలపై దాడులు నిర్వహించారు.ఈ దాడులలో 500 లీటర్ల నాటు సారా ఊటను ద్వంసం చేసి, డేరంగుల రాంమోహన్ అనునతనిని అరెస్ట్ చేసి 10 లీటర్ల నాటుసారా ను స్వాధీనం చేసుకోన్నట్లు సిఐ తెలిపారు. అదేవిధంగా మాధవరం పంచాయతి లోని చెంచురేడ్డిగారిపల్లి గ్రామ సమీపంలో 200 లీటర్ల నాటు సారా ఊటను ధ్వంసం చేశామన్నారు. ఈ కార్యక్రమంలో రాయచోటి యు/జి పోలీస్ స్టేషన్ యస్.ఐ లు జే. నరసింహా రెడ్డి, యన్. మహమ్మద్ రఫీ మరియు సిబ్బంది తదితరులు పాల్గొన్నారు.
About Author
