నారా లోకేష్ వీడియో కాన్ఫరెన్స్.. ప్ర‌త్య‌క్ష‌మైన కొడాలి నాని, వంశీ !
1 min read
ప‌ల్లెవెలుగువెబ్ : ఆంధ్రప్రదేశ్‌లో ఇటీవల విడుదలైన పదో తరగతి ఫలితాలపై టీడీపీ జాతీయ ప్రధాన కార్యదర్శి నారా లోకేష్ వీడియో కాన్ఫరెన్స్ నిర్వహించారు. ఈ కాన్ఫరెన్స్‌లో విద్యార్థులు, తల్లిదండ్రులు జూమ్‌లోకి వచ్చి మాట్లాడుతుండగా.. సడెన్‌గా వైసీపీ ఎమ్మెల్యేలు కొడాలి నాని , వల్లభనేని వంశీ ప్రత్యక్షమయ్యారు. గురువారం మధ్యాహ్నం పదో తరగతి విద్యార్థులతో లోకేష్ వీడియో కాన్ఫరెన్స్ నిర్వహించారు. ఇదే సమయంలో ఇద్దరు విద్యార్థినుల ఐడీల లింక్‌తో జూమ్ కాన్ఫరెన్స్‌లోకి సడన్‌గా ఎమ్మెల్యే వల్లభనేని వంశీ, మాజీ మంత్రి కొడాలి నాని ఎంట్రీ ఇచ్చారు. నవ్య తోట పేరుతో వంశీ, కార్తిక్ కృష్ణ పేరుతో కొడాలి నాని లాగిన్ అయినట్లు టీడీపీ నేతలు చెబుతున్నారు. ఈ ఇద్దరూ వారి ఆఫీసుల్లో నుంచే ల్యాప్‌టాప్‌లతో లాగిన్ అయ్యారు. ఇద్దరూ కూడా లైవ్‌లో మాట్లాడేందుకు ప్రయత్నించగా.. ఈ విషయం తెలుసుకున్న నిర్వాహకులు వెంటనే లైవ్‌ కట్ చేశారు.
About Author
