మిడుతూరులో.. రౌడీషీటర్లకు కౌన్సిలింగ్
1 min read
పల్లెవెలుగు వెబ్: నంద్యాల జిల్లా మిడుతూరు మండల పోలీస్ స్టేషన్ ప్రాంగణంలో ఎస్ఐ జి.మారుతి శంకర్ ఆధ్వర్యంలో ఆదివారం రౌడీషీటర్లకు కౌన్సిలింగ్ ఇచ్చారు. వివిధ గ్రామాలలో ఉన్న రౌడీషీటర్ లను పోలీస్ స్టేషన్ కు పిలిపించి ప్రశాంత జీవనం గడపాలనే వాటిగురించి ఎస్ఐ వారికి అవగాహన కల్పించారు.గ్రామాల్లో అలజడులు సృష్టించకుండా మీ పని మీరు చేసుకుంటూ పోవాలని అన్నారు.అంతే కాకుండా మీరు ప్రతి ఆదివారం స్టేషన్ లో హాజరు కావాలని అన్నారు.తర్వాత బైరాపురం గ్రామంలో ఎస్ఐ గ్రామసభ నిర్వహించారు.గత రెండు రోజుల కిందట గొడవలు జరిగి కేసు నమోదు అయిన నేపథ్యంలో గ్రామంలో అందరూ కలిసికట్టుగా ఉండాలని చిన్న విషయాలకు పెద్దగా చేసుకొని గొడవలతో ఒకరినొకరు కొట్టుకోవడం వలన కేసులు నమోదు అయితే మీ కుటుంబాల పరిస్థితి ఏంటని అంతేకాకుండా మీకు ఏమైనా సమస్యలు వస్తే నాదృష్టికి తీసుకురావాలని ఆయన ప్రజలకు తెలియజేశారు.ఈకార్యక్రమంలో ఏఎస్ఐ సుబ్బయ్య,సిబ్బంది రేణుప్రసాదు తదితరులు పాల్గొన్నారు.
About Author
