ఆగస్టు నుంచి ఎగ‌రనున్న `ఆకాశ` !
1 min read
ప‌ల్లెవెలుగువెబ్ : దేశంలో మరో బడ్జెట్‌ ఎయిర్‌లైన్‌ ప్రారంభమవుతోంది. వచ్చే నెల (ఆగస్టు) 7 నుంచి వాణిజ్య స్థాయిలో విమాన సర్వీసులు ప్రారంభిస్తున్నట్టు ఆకాశ ఎయిర్‌ ప్రకటించింది. ముంబై-అహ్మదాబాద్‌ మధ్య తమ తొలి విమాన సర్వీసు ప్రారంభమవుతుందని తెలిపింది. దీనికి తోడు బెంగళూరు-కోచి మార్గంలోనూ ఆగస్టు 13 నుంచి ఆకాశ ఎయిర్‌ విమాన సర్వీసులు ప్రారంభమవుతాయి. రెండు బోయింగ్‌ 737 మాక్స్‌ విమానాల ద్వారా కంపెనీ ఈ రెండు మార్గాల్లో వారానికి 28 విమాన సర్వీసులు నడపబోతోంది. ఈ విమాన సర్వీసుల కోసం ఇప్పటికే టిక్కెట్ల బుకింగ్‌ ప్రారంభించింది. ప్రముఖ స్టాక్‌ మార్కెట్‌ ఇన్వెస్టర్‌ రాకేశ్‌ ఝున్‌ఝున్‌వాలా ఆకాశ ఎయిర్‌ ప్రమోటర్లలో ఒకరు.
About Author
