వైసీపీ విముక్త ఆంధ్రానే లక్ష్యం !
1 min read
ప‌ల్లెవెలుగువెబ్ : వైసీపీ విముక్త ఆంధ్రప్రదేశ్‌’ను జనసేన కోరుకుంటోందని ఆ పార్టీ అధ్యక్షుడు పవన్‌ కల్యాణ్‌ ప్రకటించారు. వచ్చే ఎన్నికల్లో ఆ దిశగానే తమ వ్యూహాలు ఉంటాయని స్పష్టం చేశారు. దీని కోసం ఎవరితో కలవాలో, ఏం చేయాలో అప్పటి పరిస్థితులకు అనుగుణంగా ఆలోచిస్తామని తెలిపారు. సోమవారం మంగళగిరిలోని పార్టీ కార్యాలయంలో జరిగిన రాజకీయ వ్యవహారాల కమిటీ (పీఏసీ) భేటీలో ఆయన పాల్గొన్నారు. అనంతరం మీడియాతో మాట్లాడారు. ‘వైసీపీ విముక్త ఏపీ కోసం ఇప్పటి వరకూ అధికారం చూడని అన్ని వర్గాలను కలుపుకొని అడుగులు వేస్తాం. సందర్భం, అవసరానికి అనుగుణంగా మా వ్యూహం మారుతుంటుంది. ఏ వ్యూహం వేసినా అంతిమ లక్ష్యం మాత్రం వైసీపీ విముక్త ఆంధ్రప్రదేశే’ అని తేల్చిచెప్పారు.
About Author
