ర‌క్తంలో గ్లూకోజ్ త‌క్కువైతే ఏం జ‌రుగుతుందో చ‌ద‌వండి !

ప‌ల్లెవెలుగువెబ్ : రక్తంలో గ్లూకోజ్ ఎక్కువైతే అది మధుమేహం. మరి తక్కువైతే అది దీన్ని హైపో గ్లైసీమియాగా చెబుతారు. రక్తంలో షుగర్ ఎక్కువైతే కాదు, తక్కువైనా సమస్యలు ఎదురవుతాయి. రక్తంలో షుగర్ ఎక్కువైతే (హైపర్ గ్లైసీమియా) గుండె, మూత్రపిండాలు, రక్తనాణాలు దీర్ఘకాలంలో దెబ్బతింటాయి. తక్కువైతే అయోమయం, తల తిరగడం, కోమా లాంటి పరిస్థితులు ఎదురవుతాయి. కొన్ని సందర్భాల్లో మరణం కూడా సంభవించొచ్చు. బ్లష్ షుగర్ 70ఎంజీ కంటే తక్కువ ఉంటే వెంటనే వైద్యుల సాయం తీసుకోవాలి. ఇలా తక్కువగా ఉందన్న విషయాన్ని కొన్ని సంకేతాలు చెబుతాయి. ఆకలి బాగా వేయడం, ఆందోళన, మూడ్ మారిపోవడం, ఏకాగ్రతలేమి అనిపిస్తాయి. షుగర్ ఇలా తగ్గిపోయినప్పుడు తక్షణ ఫలితం కోసం పండ్ల రసం తీసుకోవచ్చు. ఉన్నట్టుండి విపరీతమైన ఆకలి వేస్తుందంటే అది బ్లడ్ షుగర్ తగ్గిపోయిన సంకేతంగా చూడొచ్చని వైద్య నిపుణులు చెబుతున్నారు. స్నాక్ సమయంలో 15-20 గ్రాముల కార్బో హైడ్రేట్లు, భోజనం సమయంలో 40-65 గ్రాముల వరకు తీసుకోవచ్చు. ర‌క్తంలో గ్లూకోజ్ స్థాయులు తగ్గిపోయినప్పుడు శరీరం ఎపినెఫ్రిన్ హార్మోన్ ను విడుదల చేస్తుంది. దీన్నే అడ్రెనలిన్ అంటారు. అలాగే, కార్టిసాల్ కూడా విడుదల అవుతుంది. దీంతో రక్తంలోకి మరింత షుగర్ ను కాలేయం విడుదల చేస్తుంది. ఇదే ఆందోళనకు దారితీస్తుంది. మూడ్ మారిపోవడం, ఉన్నట్టుండి భావోద్వేగాల్లో మార్పులు హైపో గ్లైసీమియా లక్షణాలుగా చూడొచ్చు. చిరాకు, డిప్రెషన్ మాదిరిగానూ అనిపించొచ్చు.

About Author

pvnews

See author's posts