దాహం..దాహం..
1 min read
మాట్లాడుతున్న దస్తగిరమ్మ
– పెద్దమర్రివీడులో నీటి సమస్యను పరిష్కరించండి
– టీడీపీ నాయకురాలు పింజరి దస్తగిరమ్మ
పల్లెవెలుగు వెబ్, కర్నూలు : మండలంలోని పెద్దమర్రివీడు గ్రామంలో నీటి సమస్య తీవ్రమైందని, ప్రజలు దాహంతో అల్లాడుతున్నా అధికార పార్టీ నాయకులు పట్టించుకోకపోవడం దారుణమన్నారు టీడీపీ నాయకురాలు పింజరి దస్తగిరమ్మ. ఆదివారం పార్టీ గ్రామ అధ్యక్షుడు మల్లేష్ ఆధ్వర్యంలో ఏర్పాటు చేసిన విలేకరుల సమావేశంలో దస్తగిరమ్మ మాట్లాడారు. గ్రామంలో నీటి సమస్య తీవ్రం కావడంతో ప్రజలు కిలోమీటర్ల దూరం వెళ్లి పొలాల్లోని బోరుబావుల వద్ద నుంచి తెచ్చుకుంటున్నారని ఆందోళన వ్యక్తం చేశారు. గ్రామపంచాయతీ నిధులతో గ్రామంలో నీటి సమస్యను పరిష్కరించాలని దస్తగిరమ్మ డిమాండ్ చేశారు. సమావేశంలో నాయకులు అబ్దుల్లా, తెలుగుయువత మాదిగ రాముడు, మాదిగ రత్నమ్మ, నజీర్, ముస్తాఫా, రాజశేఖర్, టిఎన్ ఎస్ ఎఫ్ నాగరాజు, హనుమంతు(గుండు),కర్ణ తదితరులు పాల్గొన్నారు.
About Author
