మ‌హేష్ బాబు ఇంట్లో చోరీకి య‌త్నం !

ప‌ల్లెవెలుగువెబ్: ప్రముఖ నటుడు మహేశ్ బాబు ఇంట్లో చోరీ కోసం గోడ దూకిన ఓ దొంగ తీవ్ర గాయాలతో కాపలాదారుల చేతికి చిక్కాడు. మంగళవారం రాత్రి 11.30 గంటల సమయంలో జరిగిందీ ఘటన. జూబ్లీహిల్స్ రోడ్డు నంబరు 81లో నివసిస్తున్న మహేశ్ బాబు ఇంటికి కన్నం వేయాలని భావించిన ఓ దొంగ మంగళవారం రాత్రి 11.30 గంటల సమయంలో ప్రహరీ దూకి లోపలికి ప్రవేశించాలని అనుకున్నాడు. అనుకున్నట్టే గోడ ఎక్కి కిందికి దూకాడు. అయితే, అది చాలా ఎత్తుగా ఉండడంతో కిందపడిన దొంగ తీవ్రంగా గాయపడ్డాడు. మరోవైపు, పెద్ద శబ్దం రావడంతో కాపలాకాస్తున్న సెక్యూరిటీగార్డులు అక్కడికి వెళ్లి చూశారు. అక్కడ ఓ దొంగ గాయాలతో పడి ఉండడంతో పట్టుకుని పోలీసులకు సమాచారం అందించారు.

About Author

pvnews

See author's posts