‘మలబార్’ సామాజిక సేవ..
1 min read
పల్లెవెలుగు వెబ్, కర్నూలు : వాణిజ్యవ్యాపార రంగంలో ప్రపంచదేశాలలో ఒకటిగా ఎదిగిన మలబార్ గోల్డ్ అండ్ డైమండ్స్ సంస్థ పలు సామాజిక సేవా కార్యక్రమాలు నిర్వహిస్తూ వినియోగదారులు, ప్రజల మన్ననలు పొందుతూ ఉంది. పవిత్ర రంజాన్ పండగను పురస్కరించుకుని నగరంలోని పలు కాలనీల్లో రంజాన్ తోఫా పంపిణీ చేశారు. మలబార్ గోల్డ్ అండ్ డైమండ్స్ కర్నూలు షోరూం హెడ్ ఫయాజ్, మార్కెటింగ్ మేనేజర్ నూర్వుల్లా, సభ్యులు సుధాకర్, మన్సూర్, గణేష్ తదితరులు నగరంలోని ఓల్డ్ టౌన్, రోజావీధి, బుధవార పేట, బాలాజి నగర్, ఇందిరాగాంధీ హోమ్స్ తదితర ప్రాంతాల్లోని పేద కుటుంబాలకు చెందిన 306 మందికి రంజాన్ తోఫా అందజేశారు. ఈ సందర్భంగా స్టోర్ హెడ్ ఫయాజ్, మార్కెటింగ్ మేనేజర్ నూర్వుల్లా మాట్లాడుతూ సంస్థ ప్రారంభం నుంచి ఎన్నో సేవా కార్యక్రమాలు నిర్వహించామన్నారు. పవిత్ర రంజాన్ పండుగ సందర్భంగా ఆంధ్రప్రదేశ్లో 4వేల కిరాణ కిట్లను పంపిణీ చేస్తున్నామన్నారు. మిగిలిన రాష్ట్రాల్లోనూ తమ సంస్థ ద్వారా సేవా కార్యక్రమాలు చేపడుతున్నామన్నారు.
About Author
