రాంగోపాల్ రెడ్డిని గెలిపించండి..
1 min read
– టిడిపి నేతల ప్రచారం
పల్లెవెలుగు వెబ్ కడప : కడప, తెలుగుదేశం పార్టీ పశ్చిమ రాయలసీమ గ్రాడ్యుయేట్ అభ్యర్థి భూమిరెడ్డి రాంగోపాల్ రెడ్డిని గెలిపించాలని ఆయన సతీమణి భూమిరెడ్డి ఉమాదేవి, కడప నగర మహిళా అధ్యక్షురాలు మురికినాటి సునీత కోరారు. కడప నగరం లోని రిమ్స్ హాస్పిటల్ తో పాటు పలు ప్రభుత్వ కార్యాలయాల్లో రాంగోపాల్ రెడ్డికి మద్దతుగా టిడిపి నేతలతో కలిసి ప్రచారం నిర్వహించారు. అధికారంలోకి వచ్చిన మూడున్నర సంవత్సరాలనుండి రాష్ట్ర ప్రభుత్వం రాయలసీమ ప్రాంతాన్ని అభివృద్ధి చేయడం లో పూర్తిగా విఫలమైందని, నిరుద్యోగులు, అన్ని వర్గాల ప్రజల అభ్యున్నతికి గండి కొట్టిందని ఉమాదేవి, సునీత అన్నారు. సీమ గళం శాసన మండలిలో వినిపించి అన్ని వర్గాల ప్రజలకు, రాయలసీమ అభివృద్ధికి పాటు పడేందుకు రాంగోపాల్ రెడ్డి అవకాశం కల్పించి గెలిపించాలని వారు విజ్ఞప్తి చేశారు. ప్రచార కార్యక్రమంలో టి ఎన్ ఎస్ ఎఫ్ రాష్ట్ర ప్రధాన కార్యదర్శి మసాపేట శివ, పార్లమెంట్ మీడియా కో ఆర్డినేటర్ జనార్దన్, కడప 1వ డివిజన్ ఇంచార్జి రామాంజనేయులు, నవీన్, అనిల్ లు పాల్గొన్నారు.
About Author
