కొత్త ఆవిష్కరణకు సృష్టికర్తలు.. ఇంజనీర్లు: ఆర్జీఎం చైర్మన్ మిద్దె శాంతి రాముడు

పల్లెవెలుగు వెబ్​, పాణ్యం: విద్యార్థులను నూతన ఆవిష్కరణల వైపు నడిపించడమే తమ కళాశాలల లక్ష్యం అన్నారు ఆర్జీఎం మరియు శాంతి రాం విద్యా సంస్థల అధినేత డా మిద్దె శాంతి రాముడ. శుక్రవారం ఇంజనీరింగ్​ కళాశాలలో  సిగ్మా 2023ని ఆయన ప్రారంభించారు. ఈ సందర్భంగా డా. మిద్దె శాంతి రాముడు మాట్లాడుతూ.. ఇంజనీర్లు మరో రూపంలో ఉన్న సృష్టి కర్తలని..( గ్లోబల్ ఇన్వెన్షన్స్) అంతర్జాతీయ స్థాయిలో నూతన ఆవిష్కరణల వైపు విద్యార్థులను ప్రోత్సహించడమే తమ కళాశాలల లక్ష్యమని ఆర్జీయమ్ మరియు శాంతి రాం విద్యా సంస్థల అధినేత డా మిద్దె శాంతి రాముడు అన్నారు. ఆంధ్రప్రదేశ్ , తెలంగాణ రాష్ట్రాల కు చెందిన విద్యార్థులు రెండు రోజుల పాటు జరిగే ఈ కార్యక్రమంలో పాల్గొని , పరిశోధనా పత్రాలను సమర్పిస్తారు. .ఇంజనీర్ అంటే  సాఫ్ట్వేర్ అనే భావన తొలగిపోవాలంటే , విద్యార్థులు టెక్నాలజీ ని అందిపుచ్చుకుని , అంతర్జాతీయ స్థాయి పోటీకి సామర్థ్యాన్ని పెంచుకోవాలని కోరారు‌.ఈ దిశగా అవసరమైన చర్యలను ఆర్జీయమ్, శాంతి రాం ఇంజనీరింగ్ కళాశాల లో ఇప్పటికే అందుబాటులో కి తెచ్చామని అన్నారు. చంద్రుడి పై ఉన్న అత్యంత విలువైన హీలియం 3 ని , భూమి పైకి ఎలా తీసుకరావాలనే అంశాన్ని ఈ సిగ్మా 2023 కి హాజరైన విద్యార్థులు ఛాలెంజింగ్ గా తీసుకోవాలని పిలుపునిచ్చారు.ఒక కేజీ హీలియం 3 .. తో   ఈ ప్రపంచానికి ఒః సంవత్సరం సరిపోయే విద్యుత్ ను ఉత్పత్తి చేయవచ్చని అన్నారు. అనంతరం కళాశాల డైరెక్టర్​ డా. అశోక్​ కుమార్​ మాట్లాడుతూ నూతన ఆవిష్కరణ లకు సంబంధించి విద్యార్థులకు అవసరమైన పరిజ్ఞానాన్ని అందించడంలో భాగంగా అంతర్జాతీయంగా గుర్తింపు పొందిన  ఐఈఈఈ ప్రోగ్రాం ను ఆర్జీయమ్, శాంతి రాం ఇంజనీరింగ్ కళాశాల లలో ప్రవేశపెట్టామని అన్నారు.ఈ ప్రోగ్రాం లో సభ్యులైన విద్యార్థులకు గ్లోబల్ రికగ్నిషన్ లభిస్తుందని అన్నారు. ఆ తరువాత ప్రిన్సిపాల్ డా ఎం.వి.ఎస్ . సుబ్రహ్మణ్యం మాట్లాడుతూ ఈ పోటీ ప్రపంచంలో విద్యార్థులు తమ ఆలోచనలను, పరస్పరం పంచుకోవడం ఎంతో ముఖ్యమని అన్నారు.అందుకే ఈ సిగ్మా 2023 ని ఏర్పాటు చేశామన్నారు.మొత్తం 113 పరిశోధన పత్రాలను విద్యార్థులు సమర్పించారని తెలిపారు. కార్యక్రమంలో కో కన్వీనర్ డా శేషయ్య,అన్ని విభాగాల అధిపతులు , విద్యార్థులు పాల్గొన్నారు.

ఆకట్టుకున్న సిగ్మా .. ప్రాజెక్ట్ ఎగ్జిబిషన్:

సిగ్మా 2023 లో భాగంగా కళాశాల ఆవరణలో నిర్వహించిన ప్రాజెక్ట్ ఎగ్జిబిషన్ ను ఛైర్మన్ డా మిద్దె శాంతి రాముడు ప్రారంభించారు.ఈ ఎగ్జిబిషన్ లో ఆయన ప్రతి స్టాల్ సందర్శించి , విద్యార్థులతో కలిసి పోయి వివరాలు అడిగి తెలుసుకున్నారు. అద్దం ముందు నిలబడితే అదే ఫోటో తీసే.. విచిత్ర దర్పణం , రకాల సాంకేతిక పరికరాలు, తదితర అంశాలు ప్రదర్శించారు

About Author

PALLEVELUGU

See author's posts