పౌర్ణమి వేడుకల్లో రాజ్యసభ మాజీ సభ్యులు టీజీ వెంకటేష్ దంపతులు
1 min read
పల్లెవెలుగు వెబ్ కర్నూలు: నగరంలోని వెంకటేష్ థియేటర్ సమీపంలో ఉన్న ఇస్కాన్ టెంపుల్ లో జరిగిన శ్రీ గురు పౌర్ణమి వేడుకల్లో రాజ్యసభ మాజీ సభ్యులు టీజీ వెంకటేష్ దంపతులు పాల్గొన్నారు .ఈ సందర్భంగా వారికి ఇస్కాన్ టెంపుల్ ప్రతినిధులు స్వాగతం పలికారు. అనంతరం రాజ్యసభ మాజీ సభ్యులు టీజీ వెంకటేష్ దంపతులు ఇస్కాన్ టెంపుల్ లో శ్రీ గౌర పౌర్ణమి వేడుకలను పురస్కరించుకొని ప్రత్యేక పూజా కార్యక్రమాలను నిర్వహించారు. ఈ కార్యక్రమంలో ఇస్కాన్ టెంపుల్ ప్రతినిధులతో పాటు విదేశీ భక్తులు పాల్గొన్నారు. ఇస్కాన్ టెంపుల్ లో శ్రీ గౌరపౌర్ణమి వేడుకల సందర్భంగా టెంపుల్ తో పాటు పరిసరాల్లో ఆధ్యాత్మిక వాతావరణం వెళ్లి విరిసింది. ఈ సందర్భంగా రాజ్యసభ మాజీ సభ్యులు టీజీ వెంకటేష్ మాట్లాడుతూ ప్రతి ఒక్కరూ ఆధ్యాత్మిక విలువలు పెంపొందించుకొని సమాజ హితానికి పాటుపడాలని కోరారు. ప్రజల్లో ఆధ్యాత్మిక చింతనను పెంపొందించేందుకు ఇస్కాన్ టెంపుల్ ప్రతినిధులు చేస్తున్న కృషి అభినందనీయమని తెలిపారు. ప్రపంచవ్యాప్తంగా శ్రీకృష్ణతత్వాన్ని విస్తృతంగా ప్రచారం చేస్తున్న ఇస్కాన్ టెంపుల్ కార్యక్రమాలను ఆయన అభినందించారు. అనంతరం రాజ్యసభ మాజీ సభ్యులు టీజీ వెంకటేష్ దంపతులను ఇస్కాన్ టెంపుల్ ప్రతినిధులు సన్మానించి జ్ఞాపికలను అందజేశారు.
About Author
