ఘనంగా అంతర్జాతీయ మహిళా దినోత్సవం వేడుకలు
1 min read
పల్లెవెలుగు వెబ్ బనగానపల్లె: పట్టణంలోని మాజీ శాసనసభ్యులు బీసీ జనార్దన్ రెడ్డి స్వగృహం నందు వారి సతీమణి రాష్ట్ర థాయ్ బాక్సింగ్ చైర్ పర్సన్ బీసీ ఇందిరా రెడ్డి ఆధ్వర్యంలో ఘనంగా అంతర్జాతీయ మహిళా దినోత్సవం వేడుకలను నిర్వహించడం జరిగింది. ముందుగా పెద్ద సంఖ్యలో మహిళలు పాల్గొని పలు సాంస్కృతిక కార్యక్రమాలు నిర్వహించారు. అలాగే ఆటల పాటల్లో పాల్గొన్న ప్రతి మహిళకు బీసీ ఇందిరా రెడ్డి గారు ప్రోత్సాహ బహుమతులను అందజేయడం జరిగింది. అలాగే మహిళల ఆహ్వానం మేరకు మాజీ ఎమ్మెల్యే బీసీ జనార్దన్ రెడ్డి కార్యక్రమంలో పాల్గొని మహిళల ప్రాముఖ్యత గురించి తెలియజేశారు. ఈ కార్యక్రమం ఉదయం నుంచి సాయంత్రం వరకు రకరకాల ఆటలతో పాటలతో మహిళలందరూ కలిసి జరుపుకోవడం జరిగింది.ఈ సందర్భంగా బిసి ఇందిరారెడ్డి మాట్లాడుతూ ఈరోజు మా స్వగృహం నందు అంతర్జాతీయ మహిళా దినోత్సవం వేడుకలు జరుపుకోవడం చాలా సంతోషకరంగా ఉందని అన్నారు. అలాగే ప్రతి ఇంటిలో ఆడపిల్ల ఉండడం వల్ల ఆ ఇంటిలో లక్ష్మీ కళ ఉంటుందని అన్నారు.ప్రతి మహిళ ధైర్యంగా ఉండాలని అన్నారు.మహిళ అనుకుంటే ఏదైనా సాధిస్తారని ఈ సందర్భంగా తెలిపారు.మహిళలు ఎప్పటికీ నవ్వుతూ ఉండాలని అన్నారు.కాలనీ మహిళలు మాట్లాడుతూ..ఈరోజు మహిళలందరూ ఒకే చోట కలిసి అందరూ ఒక కుటుంబం వలే అంతర్జాతీయ మహిళా దినోత్సవం వేడుకలు జరుపుకునేలా మన బిసి ఇందిరా రెడ్డి ఈ కార్యక్రమాన్ని చేసి మమ్మల్ని సంతోషింప చేసినందుకు ప్రత్యేక కృతజ్ఞతలు తెలిపారు.ఈ కార్యక్రమంలో పెద్ద సంఖ్యలో మహిళలు పాల్గొన్నారు.
About Author
