రేపు కర్నూలులో.. మహవీర్ జయంతి వేడుకలు
1 min read
పల్లెవెలుగు వెబ్: జైనుల ఆరాధ్యదైవం మహావీర్ 2622వ జన్మ కళ్యాణక్ ( జయంతి) సందర్భంగా మంగళవారం కర్నూలు నగరం నెహ్రూరోడ్డులోని జైనుల దేవాలయంలో అత్యంత వైభవంగా వేడుకలు నిర్వహించనున్నట్లు జైన్ చేతకర్ మూర్తి పూజ సంఘ్నాయకులు ప్రకాశ్ జైన్, రమణ్లాల్ జైన్, రంజిత్ జైన్, రమేష్, జయంతి లాల్, భరత్ తెలిపారు. మహావీర్ జయంతిని పురస్కరించుకుని నెహ్రూ రోడ్డులోని జైనుల దేవాలయం నుంచి చిన్నపార్క్ వరకు భారీ సంఖ్యలో ర్యాలీ నిర్వహిస్తామని, అనంతరం దేవాలయంకు తిరిగి వెళ్తామన్నారు. ఆ తరువాత గుత్తి పెట్రోల్ బంకు సమీపంలోని గోశాలలోని 800 ఆవులకు రొట్టెలు, రెండు ట్రాక్టర్ల గడ్డిని గోశాల నిర్వాహకులకు అందజేస్తామన్నారు. భక్తి శ్రద్ధలతో నిర్వహించే మహావీర్ జయంతి వేడుకల్లో జైనులందరూ పాల్గొని కార్యక్రమాన్ని విజయవంతం చేయాలని కోరారు.
About Author
