మానవాళి కోసం సిలువనెక్కిన క్రీస్తు
1 min read
పల్లెవెలుగు వెబ్ విజయవాడ: మానవాళి కోసం సిలువనెక్కిన యేసుక్రీస్తు మార్గంలో ప్రతిఒక్కరూ ఆదర్శవంతంగా జీవించాలని టీడీపీ నేత ఎంఎస్ బేగ్ అన్నారు. టీడీపీ 34వ డివిజన్ అధ్యక్షురాలు తస్లిమ భాను ఆహ్వానం మేరకు, గుడ్ ఫ్రైడే సందర్భంగా శుక్రవారం కేదార్వాశ్వరపేట ఆర్సీఎం చర్చి నిర్వహించిన సిలువ మార్గం యాత్రలో ఫాదర్ జేమ్స్ తో కలిసి ఆయన పాల్గొన్నారు. సిలువను ఎత్తుకుని యాత్రలో పాల్గొన్న ఎంఎస్ బేగ్ ఈ సందర్భంగా మాట్లాడుతూ పొరుగు వారిని ప్రేమించమని శాంతి సందేశాన్ని అందించిన యేసుక్రీస్తు అందరికీ ఆరాధ్యుడని అన్నారు. యాత్రలో పాల్గొన్న వారికి టీడీపీ క్లస్టర్ ఇంచార్జ్ హబీబ్ ఆధ్వర్యంలో మజ్జిగ పంపిణీ చేశారు. టీడీపీ డివిజన్ అధ్యక్షురాలు తస్లిమ భాను మాట్లాడుతూ క్రైస్తవ సోదర సోదరీమణులు యేసుక్రీస్తు మానవత్వం పట్ల గొప్ప ప్రేమను చూపించారని అన్నారు. నమ్మిన వారి శ్రేయస్సు కోసం క్రీస్తు ప్రాణ త్యాగం చేశారని, గుడ్ ఫ్రైడే రోజున క్రీస్తు త్యాగ నిరతిని కీర్తిస్తూ ప్రార్థనలతో సాగే కార్యక్రమాలు ప్రేమాభిమానాలను ప్రతిబింబిస్తాయని తెలిపారు. కేదారేశ్వరపేట, శాంతినగర్ వీధుల్లో జరిగిన ఈ కార్యక్రమంలో టీడీపీ జిల్లా కార్యాలయ కార్యదర్శి సరేపల్లి రాధాకృష్ణ, టీడీపీ మైనారిటీ సెల్ పశ్చిమ నియోజకవర్గం అధ్యక్షుడు హబీబ్, విజయవాడ పార్లమెంట్ ఎస్సీ సెల్ ఉపాధ్యక్షుడు మరియన్న దాసు, తెలుగు యువత ఉపాధ్యక్షుడు సయ్యద్ ఫయాజ్ హుస్సేన్, బురా కనకరావు, ఎర్రమా, దుర్గారావు, సాంబా, ఏసు, స్థానిక సంఘస్తులు పెద్దతున్న పాల్గొన్నారు.
About Author
