ఏసుక్రీస్తు ఆశీస్సులు ప్రజలపై ఉండాలి: టీజీ భరత్
1 min read
పల్లెవెలుగు, కర్నూలు: ఏసుక్రీస్తు ఆశీస్సులు కర్నూలు ప్రజలపై ఎప్పటికీ ఉండాలని తాను ప్రార్థించినట్లు కర్నూలు నియోజకవర్గ తెలుగుదేశం పార్టీ ఇన్చార్జి టీజీ భరత్ అన్నారు. ఈస్టర్ పండుగను పురస్కరించుకొని ఆయన నగరంలోని పలు చర్చిలను సందర్శించి ప్రత్యేక ప్రార్థనలు చేశారు. ఈ సందర్భంగా ఆయన మాట్లాడుతూ తోటి వారిని గౌరవించాలని ఎదుటివారిలో మంచిని గ్రహించాలన్నారు. బైబిల్ ను ఫాలో అయితే ఎన్నో మంచి విషయాలు తెలుసుకోవచ్చన్నారు. చిన్నప్పుడు తన స్నేహితులతో కలిసి చర్చికి వెళ్లే వాడినని టీజీ భరత్ తన చిన్ననాటి జ్ఞాపకాలు గుర్తు చేసుకున్నారు. కర్నూలు ప్రజలందరూ సంతోషంగా ఉండాలని తాను ప్రార్థన చేసినట్లు ఈ సందర్భంగా టీజీ భరత్ చెప్పారు. యేసు పుట్టిన ప్రాంతమైన బెత్లెహేము వెళ్లాలన్న ఆశ ఉన్నవారిని మా ప్రభుత్వం వచ్చిన వెంటనే ప్రత్యేక స్కీమ్ పెట్టి ఆ పవిత్ర ప్రాంతానికి తీసుకెళ్లేందుకు కృషి చేస్తానని మరోసారి టిజి భరత్ హామీ ఇచ్చారు. ఈ కార్యక్రమంలో టిడిపి నేతలు గున్న మార్క్, మన్సూర్ ఆలీఖాన్, ప్రసాదరావు, రాజ్ కుమార్, యేసు, శివ, సురేంద్ర, మధు, ఈశ్వర్, పెంచలయ్య, గణేష్, సముద్రాల శ్రీధర్, తదితరులు పాల్గొన్నారు.
About Author
